الماتىدا حوككەي چەمپيوناتى وتە مە؟

ەلىمىز 2028 جىلعى حوككەيدەن الەم چەمپيوناتىن وتكىزۋگە ءوتىنىم بەردى.

تۋرنير وتەتىن ورىن رەتىندە استانا مەن الماتى تاڭدالدى، دەپ حابارلايدى Almaty-akshamy.kz

الەم چەمپيوناتىن وتكىزۋگە فرانسيا دا (پاريج جانە ليون) ۇمىتكەر.

2024 جىلى عالامشاردىڭ بىرىنشىلىگىن 10-26 مامىر ارالىعىندا چەحيانىڭ پراگا جانە وستراۆا قالالارى قابىلدايدى.

IIHF كەڭەسى بىلتىر اقپان ايىنىڭ سوڭىندا ۋكرايناداعى جاعدايعا بايلانىستى رەسەي مەن بەلارۋس قۇرامالارىن حالىقارالىق جارىستاردان بەلگىسىز مەرزىمگە الىپ تاستادى. 2023 جىلدىڭ ناۋرىزىندا IIHF توقتاتا تۇرۋدى 2023/24 ماۋسىمىنا ۇزارتتى.

قاڭتار ايىندا ۇيىم باسشىسى ليۋك تارديفتىڭ ايتۋىنشا، رەسەي جانە بەلارۋس قۇرامالارىن حالىقارالىق جارىستارعا، سونىڭ ىشىندە 2026 جىلعى وليمپيادا ويىندارىنا قاتىستىرۋ ماسەلەسىن ۇيىم كەڭەسى 12-13 اقپاندا قارايدى.

بۇعان دەيىن قازاقستان قۇراماسى ءوز تاريحىندا العاش رەت 2024 جىلى الەم چەمپيوناتىنىڭ توپ-ديۆيزيونىنىڭ تۋرنيرىنە قاتارىنان ءتورتىنشى رەت قاتىساتىنى حابارلانعان بولاتىن. سونداي-اق 2006 جىلدان بەرى العاش رەت 2023 جىلعى الەم چەمپيوناتىندا قۇراما تەك قازاقستاندىق حوككەي تاربيەلەنۋشىلەرىنەن قۇرالدى.