كوروناۆيرۋستىڭ سيمپتومدى تاسىمالداۋشىلارىنىڭ ۇلەسى جۇقتىرعاندار سانىنىڭ 95%-ىن قۇرايدى.
كوروناۆيرۋستىڭ ەپيدەميولوگيالىق جاعدايى ءالى دە تۇراقسىز، ونى سانيتارلىق-ەپيدەميولوگيالىق باقىلاۋ دەپارتامەنتى ماماندارىنىڭ مالىمەتتەرى دالەلدەيدى. قازىرگى كەزدە كۇنىنە 500-دەن استام كۆي ينفەكسياسى تىركەلۋدە، دەپ حابارلادى Almaty-akshamy.kz.
الماتىنىڭ سەبد مالىمەتى بويىنشا، كوروناۆيرۋستىڭ سيمپتومدى تاسىمالداۋشىلارىنىڭ ۇلەسى جۇقتىرعاندار سانىنىڭ 95%-ىن قۇرايدى. ينفەكسيالىق ستاسيونارلاردا 2775 ناۋقاس بار، ونىڭ ىشىندە 109 بالا. ورتاشا اۋىرلىق دارەجەسىدەگى ناۋقاستار - 1480 ادام، اۋىر جاعدايداعى - 1183، وتە اۋىر جاعدايدا - 112، جانساقتاۋ بولىمىندەگىلەر - 266. تاعى 5723 ناۋقاس تەلەمەديسينا ورتالىعى قىزمەتكەرلەرىنىڭ باقىلاۋىمەن ۇيدە ەمدەلۋدە.
ۆاكسينالانباعان تۇرعىندار ءقاۋىپ ايماعىندا تۇر، سوندىقتان COVID-19-عا قارسى پروفيلاكتيكالىق ۆاكسينانى الۋ قاجەت. اسىرەسە، 60 جاستان اسقان تۇرعىنداردىڭ العانى ءجون، ويتكەنى ولاردىڭ اراسىندا دەرت جۇقتىرعاندار 12%-دى قۇرايدى. 20-39 جاس ارالىعىندارى قالا تۇرعىندارى دا ءقاۋىپ ايماعىندا. وسى ساناتتاعى دەرت جۇقتىرعاندار 28%-عا جەتتى. 45-50 جاس ارالىعىندا كۆي جۇقتىرعاندار سانى 24%-دان استام.
پاندەميا كەزىندە جەكە قورعانىس شارالارىن ساقتاۋ ماڭىزدى، اسىرەسە ادامدار كوپ جينالاتىن جەرلەردە، جابىق بولمەلەردە، بەتپەردە تاعۋ قاجەت. ەپيدەميولوگيالىق زەرتتەۋلەر بويىنشا، الماتىدا دەرت جۇقتىراتىن نەگىزگى ورىندار: وتباسىلىق بايلانىس - 20،1%، ساۋدا وبەكتىلەرى - 20،8%، ونىڭ ىشىندە بازارلار - 9،1%، قوعامدىق كولىكتەر - 19،7%.
جۇقپالى اۋرۋلاردىڭ باستالۋ ماۋسىمىنىڭ الدىندا الماتى تۇرعىندارى كوروناۆيرۋسقا قارسى ۆاكسينالانۋلارى ءتيىس. ەلدەگى ۆاكسينالار جاقسى زەرتتەۋدەن وتكەندەر.
ءبىرىنشى كومپونەنتپەن 928 946 الماتىلىق، ەكىنشىسىمەن - 820 220 تۇرعىن ەگىلدى. ونىڭ ىشىندە 60 جاستان اسقاندار - 116 677 ادام. مەگاپوليستە ەكپەنى 160 ۆاكسينالانۋ پۋنكتىنىڭ بىرىندە الۋعا بولادى.
الماتى ەپيدەميولوگتارىنىڭ مالىمەتى بويىنشا، 20 قىركۇيەكتە حالىقتىڭ يممۋندىق قاباتى رەسمي ساننىڭ شامامەن 48،6%-ىن قۇرايدى. ۆاكسينانىڭ ەكى كومپونەنتىمەن ەگىلگەندەر 41،4%-دى، ال جىل باسىنان بەرى دەرتتەن ساۋىققاندار 7،2%-دى قۇرايدى.