الماتىدا بيبىگۇل تولەگەنوۆانىڭ حII حالىقارالىق ۆوكاليستەر كونكۋرسى باستالدى.
ارۋ الماتىدا الداعى قالا كۇنى مەن اباي اتىنداعى ۇلتتىق اكادەميالىق وپەرا جانە بالەت تەاترىنىڭ 95-ماۋسىمىنىڭ اشىلۋىنا وراي بيبىگۇل تولەگەنوۆا اتىنداعى حII حالىقارالىق ۆوكاليستەر كونكۋرسى ءوتىپ جاتىر.
بايقاۋدىڭ رەسمي اشىلۋ سالتاناتى 11 قىركۇيەك كۇنى اباي اتىنداعى ۇلتتىق اكادەميالىق وپەرا جانە بالەت تەاترىندا ءوتتى. كونكۋرس قىركۇيەكتىڭ 17-سىنە دەيىن جالعاسادى.
«بيبىگۇل تولەگەنوۆانىڭ حII حالىقارالىق ۆوكاليستەر كونكۋرسى ءاردايىم الماتىلىقتار مەن ونىڭ قوناقتارى ءۇشىن ۇلكەن مەرەكەگە اينالدى. مۋزىكا – حالىقتىڭ اسقاق رۋحىنىڭ ءتىلى. ەندەشە قازاقتىڭ دارحان دالاسىن مۋزىكامەن قۇبىلتا ءبىلۋ، قازاق كومپوزيتورلارىنىڭ قايتالانباس تۋىندىلارىن شەبەر ورىنداۋ ارقىلى حالىقتىڭ رۋحاني ءتىلىن بۇگىنگى بۋىنعا سىڭىرۋمەن بىردەي. بۇل رەتتە بيبىگۇل تولەگەنوۆانىڭ حII حالىقارالىق ۆوكاليستەر كونكۋرسىنىڭ حالىقتىق مادەنيەتتى، ۇلتتىق كلاسسيكالىق ونەردى كوتەرۋگە قوسىپ كەلە جاتقان ۇلەسى زور»، – دەيدى بايقاۋ ۇيىمداستىرۋشىلارى.
ال ليۋكسەمبۋرگتان ارنايى كەلگەن جيۋري مۇشەسى، حالىقارالىق كونكۋرستاردىڭ لاۋرەاتى، الەمدىك وپەرا حانشايىمى ەلەنا زارەمبا بايقاۋ تۋرالى كەلەسىدەي پىكىر ءبىلدىردى:
«بيبىگۇل تولەگەنوۆانىڭ حالىقارالىق ۆوكاليستەر كونكۋرسى – حالىقارالىق جانە جوعارى دەڭگەيلى جاستار ءۇشىن ەڭ كلاسسيكالىق مۋزىكا بايقاۋى. ياعني، بۇل بايقاۋ جاڭا تالانتتارعا جول اشادى. قاتىسۋشىلارعا وزدەرىنىڭ شىعارماشىلىق الەۋەتىن پاش ەتۋگە مۇمكىندىك بەرەدى. كاسىبي تاجىربيەلىك تۇرعىدا وزدەرىنىڭ شەبەرلىكتەرىن شىڭدايتىن، كلاسسيكالىق ونەردە جوعارى دەڭگەيگە شىعۋعا جول اشاتىن الاڭ، ال ونەر جولىن جاڭا باستاپ كەلە جاتقان ورىنداۋشىلارعا العاشقى كاسىبي الاڭ دەۋگە بولادى»، – دەدى ول.
ايتا كەتكەن ءجون، قازاقستاننىڭ ءار تۇكپىرىنەن، الىس جانە اقىن شەتەلدەردەن كونكۋرسقا قاتىسۋ ءۇشىن الماتىعا وپەرالىق ونەردەگى جاس ۆوكاليستەر جينالدى. 11 ەلدەن كەلگەن قاتىسۋشىلاردىڭ سانى بيىل سانى 73-كە جەتتى. تالاپ بويىنشا كونكۋرسقا 1988 جىلدىڭ 1 قازانىنان كەيىن جانە 2004 جىلدىڭ 1 قازانىنا دەيىن دۇنيەگە كەلگەن ازاماتتار قاتىسادى.
بايقاۋ فورماتىنا ساي ىرىكتەۋدەن وتكەن قاتىسۋشىلار فينالدىق كەزەڭدە ونەر كورسەتەدى. بارلىق تىڭداۋ اشىق وتكىزىلەدى. ورىنداۋشىلاردىڭ قاتىسۋ رەتتىلىگى جەرەبە ارقىلى انىقتالىپ، بايقاۋ اياقتالعانشا ساقتالادى. فينالعا جارىستا ىرىكتەلگەن 14 قاتىسۋشى وتەدى.
قاتىسۋشىلاردىڭ ونەرلەرىن جوعارى مارتەبەگە يە كاسىبي قازىلار القاسى باعالايدى. ولاردىڭ قاتارىندا يتاليا، ليۋكسەمبۋرگ، چەحيا، قحر جانە قازاقستاننىڭ الەمدىك دەڭگەيدەگى وپەرالىق ونەر مايتالماندارى بار. حII حالىقارالىق ۆوكاليستەر كونكۋرسىنىڭ قازىلار القاسىنىڭ ءتورايىمى كسرو جانە قازاقستاننىڭ حالىق ءارتىسى، سوسياليستىك ەڭبەك ەرى، كسرو جانە قازاقستاننىڭ مەملەكەتتىك سىيلىقتارىنىڭ لاۋرەاتى، اكادەميك – بيبىگۇل تولەگەنوۆا.
بايقاۋدىڭ ۇيىمداستىرىلۋىنا قازاقستان رەسپۋبليكاسىنىڭ مادەنيەت جانە اقپارات مينيسترلىگى، «ميراس» قوعامدىق ۇلتتىق مادەنيەت قورى» قوعامدىق بىرلەستىگى جانە الماتى قالاسىنىڭ اكىمدىگى ۇلكەن قولداۋ كورسەتىپ وتىر.