الماتىدا حالىقارالىق ناشاقورلىققا قارسى كۇرەس كۇنىنە ارنالعان “SAGADAT BATYR OPEN” AIGA گرەپپلينگىنەن حالىقارالىق تۋرنير ءوتتى.
وعان قازاقستان، تۇركيا، ءازىربايجان، قىرعىزستان، وزبەكستان جانە تاجىكستان سپورتشىلارى قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءتۋرنيردى ءىىم ەسىرتكى قىلمىسىنا قارسى ءىس-قيمىل دەپارتامەنتى ناشاقورلىققا جانە ەسىرتكى بيزنەسىنە قارسى كۇرەس جونىندەگى 2023-2025 جىلدارعا ارنالعان كەشەندى جوسپارىنىڭ ءىس-شارالارىن ورىنداۋ شەڭبەرىندە ۇيىمداستىردى. ىشكى ىستەر مينيسترلىگى اتىنان ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى باقىتجان ءامىرحانوۆ سويلەدى.
جالپى تۋرنير سپورتشىلار مەن جاتتىقتىرۋشىلاردى، جانكۇيەرلەر مەن سالاۋاتتى ءومىر سالتىن ۇستاناتىن ادامداردى بىرىكتىردى. قاتىسۋشىلار زياندى ارەكەتتەردەن اۋلاق قوعام قۇرىپ، بۇقارالىق سپورتتى كوپشىلىك اراسىندا ناسيحاتتاۋ قاجەتتىگىن اتاپ ءوتتى. شارانىڭ نەگىزگى ماقساتى – سپورت ارقىلى جاستار مەن بالالار اراسىندا ەسىرتكىگە، ناشاقورلىققا قارسى يممۋنيتەت قالىپتاستىرۋ.
– بۇگىنگى جارىس ادام دەنساۋلىعى مەن ءال-اۋقاتى ءبىرىنشى ورىندا بولاتىن سالاۋاتتى ورتا قالىپتاستىرۋعا ارقاۋ بولسىن، – دەدى ءىىم وكىلى.
جەڭىمپازدار “حالىقارالىق ناشاقورلىققا قارسى كۇرەس كۇنى” دەگەن ارنايى بەلگىسى بار مەدالدارمەن ماراپاتتالدى.