فورۋمدا وزەكتى تاقىرىپتاردا پىكىرتالاس الاڭدارى وتەدى
الماتىدا ءال-فارابي ورتالىعىنىڭ 30 جىلدىعىنا ارنالعان ⅠⅠ حالىقارالىق فارابي فورۋمى وتۋدە، دەپ حابارلايدى Almaty-akshamy.kz عىلىم جانە جوعارى ءبىلىم مينيسترلىگىنە سىلتەمە جاساپ.
"ءتىل فيلوسوفياسى جانە ءابۋ-ناسىر ءال-فارابي فيلوسوفياسىنىڭ ءتىلى" اتتى اۋقىمدى شارانىڭ ماقساتى – عۇلاما مۇراسى ارقىلى قازىرگى قوعام وركەندەۋىنىڭ رۋحاني، تاريحي جانە فيلوسوفيالىق نەگىزىن ءتۇسىندىرۋ.
يران يسلام رەسپۋبليكاسىنىڭ الماتىداعى باس كونسۋلى مۋحسين فاعاني فورۋمدا سويلەگەن سوزىندە:
"ءفارابيدى تولعاندىرعان باستى ماسەلە – ءدىن مەن فيلوسوفيانىڭ بايلانىسى مەن ينتەگراسياسى. ول يسلام ءدىنى مەن گرەك دانالىعى اراسىندا قايشىلىق جوق ەكەنىن، ال ەگەر قايشىلىق بولعان جاعدايدا ماسەلەنىڭ سىرتقى كورىنىستەرىمەن بايلانىستى دەپ ەسەپتەدى. وتكەن جىلى يسلام ريەۆوليۋسياسىنىڭ كوشباسشىسى جانە قازاقستان پرەزيدەنتى قاسىم-جومارت توقايەۆتىڭ ەكىجاقتى كەزدەسۋى بارىسىندا ءال-فارابي ەڭبەكتەرىن زەرتتەيتىن بىرلەسكەن عىلىمي كوميتەت قۇرۋ تۋرالى ماسەلە تالقىلاندى. بۇگىندە بۇل يدەيا جۇزەگە اسۋدا"، – دەگەن پىكىرىمەن ءبولىستى.
شاراعا ق ر ۇلتتىق عىلىم اكادەمياسىنىڭ مۇشەلەرى، قازاقستانداعى شەتەلدىك كونسۋلدىقتار مەن شەتەلدەگى ءال-فارابي ورتالىقتارىنىڭ وكىلدەرى، فارابيتانۋشى عالىمدار مەن ديپلوماتتار، تۇركيا، نيدەرلاندى، رەسەي، وزبەكستاننان كەلگەن جاس عالىمدار قاتىسۋدا.
فورۋم اياسىندا "ءابۋ ناسىر ءال-فارابي مۇراسى جانە الەمدەگى پسيحولوگيالىق عىلىمنىڭ دامۋى"، "ءال-فارابيدىڭ تاربيە ءتىلى: مادەنيەتارالىق قارىم-قاتىناس جانە ۇلتتىق بولمىس كونتەكسىندەگى تۇلعا" جانە تاعى باسقا وزەكتى تاقىرىپتاردا پىكىرتالاس الاڭدارى وتەدى.