Almaty Garden Show فەستيۆالى 16-18 قىركۇيەك ارالىعىندا 3 كۇنگە سوزىلادى.
16 قىركۇيەك كۇنى ساعات 12:00-دە ورتالىق مادەنيەت جانە دەمالىس ساياباعىندا ءىس-شارا سالتاناتتى تۇردە اشىلادى، دەپ حابارلايدى Almaty-akshamy.kz
قوناقتارعا الەمنىڭ جەتەكشى ديزاينەرلەرى، باعباندارى جانە فلوريستەرى كاسىبي كوگالداندىرۋ، تىڭايتقىش، لاندشافت ديزاينى جانە زاماناۋي گۇل شوقتارىن جاساۋ بويىنشا ءتۇرلى شەبەرلىك سىنىپتار وتەدى.
فەستيۆال اياسىندا «كوگالداندىرۋ» كورمەسى جۇمىس ىستەيدى. Almaty Garden Show-دا ۇزدىك اتانۋ ءۇشىن بايقاۋدا سايىسقا تۇسەتىن ارنايى قۇرىلعان تاقىرىپتىق باقتار ەرەكشە مانگە يە.
«ۇلكەن ب ا ق»، «كىشى ب ا ق»، «ەندى باستالعان ب ا ق» ءۇش نوميناسياسىنىڭ جەڭىمپازدارىن ارمەنيا، گەرمانيا، ءباا، قازاقستان، رەسەي جانە اقش ماماندارىنان قۇرالعان حالىقارالىق قازىلار القاسى تاڭدايدى.
وتەتىن كۇنى: 2022 جىلعى 16 قىركۇيەك
ۋاقىتى: ساع.12:00