الماتىدا «حالىق قاتىساتىن بيۋدجەتتىڭ» ۇزدىك جوبالارى ءۇشىن ونلاين داۋىس بەرۋ باستالدى

2023 جىلعى 13-23 قازان ارالىعىندا budget.open-almaty.kz  پورتالىندا «حالىق قاتىساتىن بيۋدجەت» ۇزدىك جوبالارى ءۇشىن داۋىس بەرۋ وتەدى.

داۋىس بەرۋگە قالا تۇرعىندارىنىڭ 2 213 جوبالىق ۇسىنىسى قاتىسادى6 دەپ حابالايدى Almaty-akshamy.kz.

قالانى اباتتاندىرۋ جانە دامىتۋ بويىنشا باستامالاردىڭ كوبىن المالى (921) جانە الاتاۋ (790) اۋداندارىنىڭ تۇرعىندارى بەردى. بۇدان كەيىن تۇركسىب (100)، مەدەۋ (95)، جەتىسۋ (84)، اۋەزوۆ (81)، بوستاندىق (79) جانە ناۋرىزباي (63) اۋداندارى تۇر.

داۋىس بەرۋگە جىبەرىلگەن جوبالار قاتارىندا: جەلتوقسان كوشەسى، 121 ءۇي مەكەنجايى بويىنشا «يگلا» (1988 ج.) ءفيلمىنىڭ ءتۇسىرىلىمى وتكەن ورىندى اباتتاندىرۋ؛ كەمەل شاعىن اۋدانى دىبىس وقشاۋلاعىش قورشاۋدى ورناتۋ؛ تولە بي ورمانوۆ كوشەلەرىنىڭ قيىلىسىداعى كوپىردىڭ استىنداعى باسكەتبول الاڭىنىڭ قۇرىلىسى؛ «الماتى ارەنا» ماڭىنداعى يتتەردى سەرۋەندەتۋگە ارنالعان الاڭنىڭ قۇرىلىسى جانە ت. ب. جوبالاردىڭ تولىق تىزبەسى budget.open-almaty.kz  پورتالىندا «بيىلعى جوبالار» بولىمىندە قولجەتىمدى.

داۋىس بەرۋگە الماتىنىڭ كامەلەتكە تولعان تۇرعىندارى قاتىسا الادى (مىندەتتى شارت – تۇراقتى تىركەۋدىڭ بولۋى). ەسق نەمەسە SMS-كود كەلەتىن ۇيالى تەلەفون ارقىلى 3 جوبالىق ۇسىنىس ءۇشىن عانا داۋىس بەرۋگە بولادى. ەڭ كوپ داۋىس جيناعان جوبالىق ۇسىنىستاردى اۋدان اكىمدىكتەرى 2024 جىلى ىسكە اسىرادى.

«حالىق قاتىساتىن بيۋدجەت» بويىنشا كەڭەستى اۋداندىق اكىمدىكتەردەن نەمەسە Open Almaty اكىمدىگىنىڭ قوعامدىق قابىلداۋ بولمەسىنەن 224 39 29 (ىشكى. 203، 127) الا الاسىزدار.