الماتىدا "حالىق قاتىساتىن بيۋدجەت" جوباسى بويىنشا وتىنىمدەر سانى ارتتى

الماتىلىقتار "حالىق قاتىساتىن بيۋدجەت" جوباسىنا بەلسەندى قاتىسۋدا.

1 قىركۇيەكتەن باستاپ وتىنىمدەردى قابىلداۋ باستالدى. العاشقى كەزدىڭ وزىندە 430 جوبالىق ۇسىنىس كەلىپ ءتۇستى، - دەپ حابارلايدى Aqshamnews.kz.

قالا تۇرعىندارى كوگالداندىرۋ، اۋلالار مەن كوشەلەردى اباتتاندىرۋ، تروتۋارلار مەن ارىقتاردى جوندەۋ، قوعامدىق كەڭىستىكتەردى قۇرۋ جانە جارىقتاندىرۋ، بالالار الاڭقايى مەن سپورت الاڭدارىن ورناتۋ، سونداي-اق سانيتارلىق ءتارتىپتى قامتاماسىز ەتۋ بويىنشا جوبالاردى ۇسىنۋدا.

وتىنىمدەردى قابىلداۋ 2025 جىلدىڭ 30 قىركۇيەگىنە دەيىن جالعاسادى. بارلىق ۇسىنىستاردى ساراپتامالىق كەڭەستەر مەن اۋدان اكىمدىكتەرى قارايتىن بولادى. داۋىس بەرۋ قورىتىندىسى بويىنشا كوپ قولداۋعا يە بولعان جوبالار الماتىدا 2026 جىلى جۇزەگە اسىرىلاتىن بولادى.

وتىنىمدەردى budget.open-almaty.kz پورتالى ارقىلى بەرۋگە بولادى. ول ءۇشىن جوبانىڭ اتاۋى مەن سيپاتتاماسىن، ورنالاسقان جەرىنىڭ مەكەنجايىن، فوتوسۋرەتىن نەمەسە ەسكيزىن، سونداي-اق شىعىندار سمەتاسىن كورسەتۋ قاجەت.

ەسكە سالساق، جوبالىق ۇسىنىستار ءبىرقاتار  شارتتارعا  سايكەس كەلۋى ءتيىس:

·        ءبىر اۆتور—ءبىر ءوتىنىم—ءبىر نىسان؛

·        اۋدان اۋماعىنداعى جالپى پايدالانۋ  نىسانى؛

·        جوبانىڭ ەڭ جوعارى قۇنى — 294،9 ملن تەڭگە.

قاجەتتى كەڭەستى الماتى قالاسىنىڭ اۋداندىق اكىمدىكتەرىنەن، سونداي-اق Open Almaty اكىمدىگىنىڭ قوعامدىق قابىلداۋ بولمەسىنەن 224 39 29 (ىشكى 203) تەلەفونى ارقىلى الۋعا  بولادى.