المالى اۋدانىندا اباتتاندىرۋ بويىنشا تۇرعىنداردىڭ جوبالارىنا 2 ملرد تەڭگە ءبولىندى.
الماتى اكىمى ەربولات دوسايەۆ «حالىق قاتىساتىن بيۋدجەت» جوباسى بويىنشا اۋلانى اباتتاندىرۋمەن تانىستى، دەپ حابارلايدى Almaty-akshamy.kz.
الماتى اكىمى ەربولات دوسايەۆ جۇمىس ساپارى بارىسىندا المالى اۋدانىنداعى «حالىق قاتىساتىن بيۋدجەت» باعدارلاماسى اياسىندا جاڭارعان اۋلاعا باردى.
مامەتوۆا كوشەسى، 29/41 بويىنشا اۋلا اۋماعىن اباتتاندىرۋ جوباسىن تۇرعىنداردىڭ وزدەرى ازىرلەدى، سوندىقتان اعا جانە كىشى ۇرپاقتىڭ بارلىق پىكىرلەرى مەن تىلەكتەرى ەسكەرىلدى. قاۋىپسىزدىك، تۇراقتىلىق، جايلىلىق سياقتى كريتەرييلەرگە ەرەكشە نازار اۋدارىلدى. جاس ساناتتارى بويىنشا ايماقتارعا بولە وتىرىپ، سپورتتىق جانە بالالار ويىن الاڭدارىن جاڭعىرتۋ جۇرگىزىلدى، سپورت الاڭى جاڭارتىلدى جانە دەمالىس ايماعى ورىندىقتارمەن جابدىقتالدى. ايتپاقشى، بۇل اۋلانى وسىنداي كەشەندى جوندەۋ 58 جىلدا العاش رەت جۇرگىزىلدى.
اتقارىلعان جۇمىستارمەن تانىسقان الماتى اكىمى ەربولات دوسايەۆ مەردىگەرلەرگە كەپىلدىك مىندەتتەمەلەرى اياسىندا تۇزەتىلۋى ءتيىس كەمشىلىكتەردى اتاپ ءوتتى. مەگاپوليس اكىمى قالا تۇرعىندارىنىڭ قاتىسۋىمەن جايلى قالالىق ورتانى قۇرۋعا كەشەندى كوزقاراستىڭ ماڭىزدىلىعىن اتاپ ءوتتى. بۇل رەتتە، جاسىل جەلەكتەردى كۇتۋ ماقساتىندا مۇنداي جوبالاردا جاسىل جەلەكتىڭ ساقتالۋىن قامتاماسىز ەتۋ ءۇشىن اۆتوسۋارۋ جۇيەلەرىن، ۆوركاۋت-ايماقتاردى كۇن مەن جاۋىن-شاشىننان قورعاعان ءجون. جالپى، جاڭارعان اۋلالار تۇرعىندارعا مۇمكىندىگىنشە ۇزاق قىزمەت ەتۋى ءتيىس.
بۇل جوبا 2023 جىلى بەرىلگەن وتىنىمدەر بويىنشا ىسكە اسىرىلدى. وتكەن جىلى المالى اۋدانىندا اۋلا اۋماقتارىن اباتتاندىرۋ جانە جوندەۋ بويىنشا حقب اياسىندا 34 جوبا ماقۇلداندى.
اعىمداعى جىلى جالپى سوماسى 2 ملرد تەڭگەگە 52 جوبانى ىسكە اسىرۋ جوسپارلانۋدا. اۋلالاردى جوندەۋ، قوعامدىق كەڭىستىكتەردى اباتتاندىرۋ جانە كوگالداندىرۋ، سونداي-اق يتتەردى سەرۋەندەتۋگە ارنالعان الاڭ جاساۋ جوسپارلانۋدا.