“Qazaq Stroy” قۇرىلىس كومپانياسىمەن بىرلەسكەن الەمدىك تاجىريبە ءساتتى جۇزەگە اسىرىلدى.
بۇگىن الماتى قالاسىنىڭ ناۋرىزباي اۋدانىنداعى “AlemCity-1” تۇرعىن ءۇي كەشەنىندەگى پوليسيا پۋنكتىنىڭ سالتاناتتى اشىلۋى ءوتتى، دەپ حابارلايدى Almaty-akshamy.kz.
Polisia.kzء-تىڭ اقپاراتى بويىنشا، رەسمي سالتاناتتى شاراعا قالالىق پوليسيا دەپارتامەنتى مەن قۇرىلىس كومپانياسىنىڭ وكىلدەرى قاتىستى. ەكى تاراپ تا بۇل جوبانىڭ ماڭىزدىلىعىن، قاجەتتىلىگىن اتاپ ءوتتى. قۇرىلىس سالۋشى كومپانيا تۇرعىن ءۇي كەشەنىنەن پوليسيا ۋچاسكەسىنىڭ تولىققاندى جۇمىس ىستەۋى ءۇشىن بارلىق قاجەتتى زاتتارمەن جابدىقتالعان، اۋدانى 30-40 شارشى مەتر عيماراتتى ءبولدى. ءقازىردىڭ وزىندە بۇل پۋنكتتەرگە تۇرعىن ءۇي كەشەندەرىنىڭ اۋلالارى مەن كىرەبەرىستەرىنە، سونداي-اق ىرگەلەس اۋماقتاردان كامەرالار كىرگىزىلدى، بۇل تاۋلىك بويى قاۋىپسىزدىك پەن ءتارتىپتى باقىلاۋعا مۇمكىندىك بەرەدى.
«قالا ىشىندەگى قالا»قاعيداتى بويىنشا سالىنعان زاماناۋي تۇرعىن ءۇي كەشەندەرى – بۇل ۇلكەن اۋماقتى، وزىندىك ىشكى ينفراقۇرىلىمى بار جانە تۇرعىندار سانى كوپ اۋقىمدى جوبالار. ماسەلەن، بۇل تۇرعىن ءۇي كەشەنىندە 6 مىڭنان استام ادام تۇرادى. مۇنىڭ بارلىعى ىشكى ىستەر ورگاندارىنان ەرەكشە نازار مەن باقىلاۋدى قاجەت ەتەدى. بەلگىلى ءبىر تۇرعىن ءۇي كەشەنىنىڭ ورتالىعىندا ورنالاسقاندىقتان، ۋچاسكەلىك ينسپەكتورعا ءوز مىندەتتەرىن ورىنداۋ وڭايىراق بولادى. ءاربىر تۇرعىندى تاني وتىرىپ، بارلىق قاجەتتى اقپاراتقا يە بولادى. مۇنداي فورمات، ءبىزدىڭ ويىمىزشا، قىلمىس دەڭگەيىن كۇرت تومەندەتىپ، ءبىر ايماقتاعى كريمينوگەندىك جاعدايدى جاقسارتۋعا مۇمكىندىك بەرەدى. بۇل تاجىريبە تۇرعىن ءۇي القاپتارى سانىنىڭ، قالا اۋماعىنىڭ ۇلعايۋىنا، حالىق سانىنىڭ وسۋىنە بايلانىستى جانە بىردەن-بىر ماقسات – زاڭدىلىقتى، ازاماتتاردىڭ قاۋىپسىزدىگىن قامتاماسىز ەتۋدى جانە جەدەل ارەكەت ەتۋدى كوزدەيدى»، – دەدى ناۋرىزباي اۋداندىق پوليسيا باسقارماسىنىڭ باستىعى مۇحامەدالى سەيسەن ۇلى.
«بۇعان دەيىن مەملەكەت باسشىسى ءوز جولداۋلارىنىڭ بىرىندە رەفورمالار مەن جۇمىستى “قولجەتىمدى پوليسيا” قاعيداتى بويىنشا ۇيىمداستىرۋ قاجەتتىلىگىن اتاپ ءوتتى، مۇندا باستى ءرول ۋچاسكەلىك پوليسيا قىزمەتكەرىنە جۇكتەلەدى. ول ءوز اۋدانىنىڭ تۇرعىندارىنا تانىمال، قولجەتىمدى، ازاماتتار ءۇشىن بەدەلدى جانە ولاردىڭ قۇقىقتارىن قورعاۋى قاجەت. ادامدارعا جاقىنىراق بولۋى كەرەك. وسى قاعيدانى نەگىزگە الا وتىرىپ، ءبىز جوباعا بەلسەندى تۇردە قاتىسىپ جاتىرمىز جانە تۇرعىنداردىڭ قاۋىپسىزدىگى ءۇشىن باسقا تۇرعىن ءۇي كەشەندەرىمىزدە جاڭا ۋچاسكەلىك پۋنكتتەردى اشۋدى جوسپارلاپ قويدىق. جاقىن ارادا باسقا دا تۇرعىن ءۇي كەشەندەرىندە جاڭا پوليسيا پۋنكتتەرى اشىلادى»، – دەدى «QazaqStroy»باسقارۋشى ديرەكتورى بولات يبراگيم ۇلى.
2021 جىلدان باستاپ پوليسيا پۋنكتتەرىن ءتۇ-دىڭ وزىندە ورنالاستىرۋ تاجىريبەسى ەنگىزىلدى. بۇگىندە مۇنداي جوبا العاش رەت قۇرىلىسشى مەن پد اراسىندا وتەۋسىز نەگىزدە جۇزەگە اسىرىلىپ جاتىر. قىزمەتتىك پوليسيا قۇقىق ءتارتىبىن قامتاماسىز ەتۋ سالاسىنداعى ماسەلەلەردى بىرلەسىپ انىقتاۋ جانە شەشۋ ءۇشىن قۇقىق قورعاۋ ورگاندارى مەن ازاماتتار اراسىندا تۇراقتى سەرىكتەستىك ورناتۋعا نەگىزدەلگەن.