قازاق ۇلتتىق قىزدار پەداگوگيكالىق ۋنيۆەرسيتەتىندە قازاقستاندىق وقۋ-اعارتۋ، عىلىم جانە جوعارى ءبىلىم قىزمەتكەرلەرىنىڭ سالالىق كاسىپوداعىنىڭ 100 جىلدىعىنا وراي«كوشباسشىلىق جانە گەندەرلىك تەڭدىك: جاستاردىڭ ءرولى» اتتى رەسپۋبليكالىق سەمينار ءوتتى، دەپ حابارلايدى aqshamnews.kz
رەسپۋبليكالىق سەمينار قازاق ۇلتتىق قىزدار پەداگوگيكالىق ۋنيۆەرسيتەتىنىڭ باسقارما ءتوراعاسى– رەكتورى قاناي گۇلميرا ءامىرحان قىزىنىڭ ۋنيۆەرسيتەتتىڭ جەتىستىكتەرى مەن بولاشاعى تۋرالىالعى سوزىمەن اشىلدى. رەكتور كاسىپوداقتىڭ ەڭبەك قۇقىعىنىڭ بۇزىلماۋىن قاداعالاپ، الەۋمەتتىك-ەكونوميكالىق قولداۋ كورسەتەتىن باستى ۇيىم ەكەنىن اتاپ ءوتتى.
ءىس-شارا بارىسىندا ۋنيۆەرسيتەتتىڭ پروفەسسورلىق-وقىتۋشىلىق قۇرامى ءارتۇرلى باعىتتاعى تاقىرىپتار بويىنشا ءوز باياندامالارىن جاسادى. العاشقى بايانداماشى، پسيحولوگيا عىلىمدارىنىڭ كانديداتى، پروفەسسور باپايەۆا ماريام قۇرمانعالي قىزى «قىزداردىڭ الەۋمەتتىك رولدەرىنىڭ وزىندىك ەرەكشەلىكتەرى مەن ەموسيالىق جاعدايلارىنىڭ ءوزارا قاتىناسى» تاقىرىبىندا ءسوز سويلەدى. كەلەسى بايانداماشى، پسيحولوگيا عىلىمدارىنىڭ كانديداتى، دوسەنت كاسىموۆا گۇلنارنار مارۋپ قىزى «پسيحولوگيچەسكيە اسپەكتى گەندەرا ۆ پروفسويۋزە» تاقىرىبىندا ءوز زەرتتەۋلەرىمەن ءبولىستى.
سەميناردىڭ ماڭىزدى بولىمدەرىنىڭ ءبىرى — Digital Lady تەحنوپاركىندەگى زاماناۋي ازىرلەمەلەرمەن اتا-انالارعا ارنالعان PlayHub قىزمەتى شەڭبەرىندەگى ءتيىمدى سەرىكتەستىكتىڭ زاماناۋي تاسىلدەرىنە قاتىستى باياندامالار بولدى. فيزيكا-ماتەماتيكا عىلىمدارىنىڭ كانديداتى، پروفەسسور سالعارايەۆا گۇلناز يبراگيموۆنا مەن پەداگوگيكا عىلىمدارىنىڭ كانديداتى، پروفەسسور جۇباندىقوۆا اقگۇل مۋرزالي قىزى ءوز تاجىريبەلەرىمەن عىلىمي زەرتتەۋلەرىن ۇسىندى.
قازاقستاندىق وقۋ-اعارتۋ، عىلىم جانە جوعارى ءبىلىم قىزمەتكەرلەرىنىڭ سالالىق كاسىپوداعىنىڭ ەڭبەكشى ايەلدەر ىستەرى جونىندەگى كوميسسيا ءتوراعاسى ساكاۋوۆا ينديرا بەردىعالي قىزى ۋنيۆەرسيتەتتىڭ 80 جىلدىعىمەن قۇتتىقتاپ، سەميناردىڭ وتۋىنە ساتتىلىك تىلەدى.
سەمينار بارىسىندا ۋنيۆەرسيتەتتىڭ پروفەسسور-وقىتۋشىلىق قۇرامى مەن قىزمەتكەرلەرءى قازاقستان رەسپۋبليكاسىنىڭ كاسىپوداقتار فەدەراسياسى، قازاقستاندىق وقۋ-اعارتۋ، عىلىم جانە جوعارى ءبىلىم قىزمەتكەرلەرىنىڭ سالالىق كاسىپوداعىنىڭ توسبەلگىلەرى، قۇرمەت گراموتاسى، العىس حاتتارىمەن ماراپاتتالدى.