زاڭسىز سالىنىپ جاتقان كەزەكتى تۇرعىن ءۇي كەشەنى – «Graff» تۇك سوتتىڭ شەشىمىمەن بۇزىلدى.
بۇل تۋرالى الماتى قالاسىنىڭ قالا قۇرىلىسىن باقىلاۋ باسقارماسى مالىمدەدى، دەپ حابارلايدى aqshamnews.kz.
بۇل نىسان ەرمەنساي ش/ا، 7، 7 / 71 ۋچاسكەسىندە، ياعني ءۇش جەر تەلىمىندە ءتيىستى رۇقسات قۇجاتسىز سالىنعان.
2023 جىلى 20 قاڭتاردا باسقارما تاپسىرىس بەرۋشىگە (جەكە تۇلعاعا) قاتىستى بۇزۋشىلىقتاردى جويۋعا نۇسقاما بەرە وتىرىپ، اكىمشىلىك شارالار قابىلدادى، ال كەيىنىرەك بوستاندىق اۋداندىق سوتىنا بۇزۋعا تالاپ ارىز بەردى.
بىلتىر 24 شىلدەدە اۋداندىق سوتتىڭ شەشىمىمەن باسقارمانىڭ زاڭسىز قۇرىلىستى بۇزۋ تۋرالى تالاپ ارىزى قاناعاتتاندىرىلدى. 2023 جىلدىڭ 19 قازانىندا اپەللياسيالىق سوت ءبىرىنشى ساتىلى سوتتىڭ شەشىمىن وزگەرىسسىز قالدىردى.
نىسان وسى جىلدىڭ 29 شىلدەسىندە ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن بۇزىلا باستالدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ زاڭسىز قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا بىلتىر جىل باسىنان بەرى 40 زاڭسىز نىسان، ونىڭ ىشىندە «مەچتا»، «KHAN»، «الما گاردەن» تۇك جانە ت.ب. تولىق نەمەسە جارتىلاي بۇزىلدى.