2025 جىلدىڭ مامىر ايىندا الماتى قالاسىنىڭ ءبىلىم بەرۋدەگى جاڭا تەحنولوگيالاردىڭ قالالىق عىلىمي-ادىستەمەلىك ورتالىعى مەن الماتى قالاسى دامۋ ورتالىعىنىڭ ءبىلىم بەرۋ جانە مەديسيناداعى جوبالار ءبولىمىنىڭ باسشىسى ماۋلەشيەۆا ءاليا انداريەۆنانىڭ جەتەكشىلىگىمەن بلۋمبەرگ قايىرىمدىلىق ۇيىمىنىڭ «Global Scholars» پيلوتتىق جوباسى ىسكە قوسىلدى.
«Global Scholars» — بۇل دۇنيەجۇزىندەگى قالالاردا تۇراتىن 10–13 جاس ارالىعىنداعى وقۋشىلارعا ارنالعان حالىقارالىق ۆيرتۋالدى الماسۋ باعدارلاماسى. جوبانىڭ ەرەكشەلىگى — ونلاين-تالقىلاۋ الاڭدارى مەن ناقتى ۋاقىت رەجيمىندەگى كاسىبي دامۋ باعدارلامالارى ارقىلى وقۋشىلار مەن پەداگوگتەرگە ىنتالاندىرۋشى بايلانىستار ورناتۋعا مۇمكىندىك بەرەتىن تەحنولوگيالاردى قولدانۋ. بۇگىنگى تاڭدا باعدارلاماعا الەمنىڭ 39 ەلىنەن، 119 قالاسىنان 127 000-عا جۋىق وقۋشى مەن 3100 پەداگوگ قاتىسقان.
الماتى قالاسىندا بۇل جوبا اياسىندا كەلەسى پيلوتتىق ورتا ءبىلىم بەرۋ ۇيىمدارى انىقتالدى:
-
№15 گيمنازيا،
-
№34 گيمنازيا،
-
№28 ليسەي،
-
162 مەكتەپ-گيمنازيا،
-
№26 جانە №69 جالپى ءبىلىم بەرەتىن مەكتەپتەر.
كەلەسى قادام رەتىندە — وسى مەكتەپتەردەگى پەداگوگتەردىڭ شىعارماشىلىق توپتارىن جانە وقۋشىلاردىڭ پيلوتتىق توپتارىن قالىپتاستىرۋ جوسپارلانۋدا. بارلىق قاتىسۋشىلار حالىقارالىق جوبانىڭ ينتەرنەت-پلاتفورماسىنا قول جەتكىزىپ، 2025–2026 وقۋ جىلىندا «سالاۋاتتى تاماق» تاقىرىبىمەن جۇمىسىن باستادى.
جوبا قاتىسۋشىلارى ناقتى جانە وزەكتى ماسەلەلەر بويىنشا بىرلەسە جۇمىس ىستەپ، ءوز ەڭبەكتەرىن الەمنىڭ تۇكپىر-تۇكپىرىندەگى قۇرداستارىمەن بولىسەدى. باعدارلاما مودەلى — وقۋشىلاردىڭ سۇراقتارىن تالقىلاۋعا جانە كەرى بايلانىس جاساۋعا نەگىزدەلگەن. سىنىپ ىشىندەگى قارىم-قاتىناس پەن حالىقارالىق ونلاين-ديالوگ ءوزارا تولىقتىرىلىپ، جاھاندىق ماسەلەگە قاتىستى ءبىلىم كوزىنە اينالادى.
وقۋشىلار ءار اپتا سايىن ەلەكتروندىق سىنىپتاردا عالامدىق ماسەلەلەردى شەشۋ جولدارىن بىرلەسىپ زەرتتەپ، تالقىلاۋ تاقتالارىندا يدەيا الماسادى. سىنىپ ىشىندە وسى يدەيالار پىسىقتالىپ، جاھاندىق پروبلەمالاردى شەشۋگە باعىتتالعان جوبالىق جۇمىسقا اينالادى. بۇل ۇدەرىس وقۋشىلاردىڭ:
-
جاھاندىق ماسەلەگە باعدارلانعان جانە ناقتى وقۋ ناتيجەلەرىنە باعىتتالعان جوبالارمەن جۇمىس ىستەۋىنە،
-
جەكە باقىلاۋعا نەگىزدەلگەن شىنايى تاپسىرمالاردى ورىنداۋىنا،
-
ساندىق ورتادا قارىم-قاتىناس داعدىلارىن دامىتۋىنا ىقپال ەتەدى.
جوبانى ءتيىمدى جۇزەگە اسىرۋ ماقساتىندا، الماتى قالاسى ءبىلىم باسقارماسى مەن ءقببجتعاو ادىسكەرى ل.ب. پەتروۆا پيلوتتىق مەكتەپتەردىڭ پەداگوگتەرىنە ارنالعان اي سايىنعى دوڭگەلەك ۇستەلدەر مەن سەمينارلار وتكىزۋدى جوسپارلادى. بۇل كەزدەسۋلەردە جوبانى جۇزەگە اسىرۋداعى وزەكتى ماسەلەلەر مەن ءتيىمدى ادىستەر تالقىلانادى.
5 جەلتوقساندا №69 جالپى ءبىلىم بەرەتىن مەكتەپتىڭ بازاسىندا «Global Scholars: First Steps» اتتى سەمينار ءوتتى. جيىن پيلوتتىق مەكتەپتەر مۇعالىمدەرىنىڭ تاجىريبە الماسۋ الاڭىنا اينالدى. ءىس-شارانى الماتى قالاسى دامۋ ورتالىعىنىڭ ءبىلىم بەرۋ جانە مەديسيناداعى جوبالار ءبولىمىنىڭ باسشىسى ءاليا ماۋلەشيەۆا مەن №69 مەكتەپتىڭ ديرەكتورى ساۋلە تورەقۇلوۆا قۇتتىقتاۋ سوزىمەن اشتى.
ءقببجتعاو ادىسكەرى ل.ب. پەتروۆا ءوز بايانداماسىندا جوبانىڭ ءمانى مەن العاشقى جەتىستىكتەرى تۋرالى مالىمەت بەردى. №28 ليسەيدىڭ ءمۇعالىمى مانزۋرا ساتانوۆا وقۋشىلارمەن جۇمىستى ءتيىمدى ۇيىمداستىرۋ جولدارى جونىندە پىكىر بىلدىرسە، №15 گيمنازيانىڭ مۇعالىمدەرى كاميليا بولەگەن مەن اسلان سەرىكقانوۆ ونلاين جانە سىنىپتاعى ساباقتاردى جۇرگىزۋ تاجىريبەسىمەن ءبولىستى. №69 مەكتەپ مۇعالىمدەرى ەلەنا دياكينا، ەلەنا ناكوستيك، ديانا باكايەۆا جانە نازيما سەمبايەۆا وقۋشىلاردى پاندىك تەرمينولوگيا مەن فۋنكسيونالدىق ءتىلدى ۇيرەتۋ ستراتەگياسى بويىنشا پراكتيكالىق شەبەرلىك ساعاتىن وتكىزدى.
سەمينارعا قاتىسۋشىلار جوبانىڭ ماڭىزدىلىعىن اتاپ ءوتىپ، پيلوتتىق مەكتەپتەردىڭ مۇعالىمدەرى مەن وقۋشىلارىنىڭ شىعارماشىلىق توپتارى قول جەتكىزگەن ناتيجەلەرگە جوعارى باعا بەردى.
سونىمەن قاتار، شىعارماشىلىق توپتاردىڭ پەداگوگتەرى «Global Scholars» پلاتفورماسىندا جوبالىق جۇمىستى ۇيىمداستىرۋ جانە باسقارۋ بويىنشا قاشىقتىقتان تەگىن بىلىكتىلىكتى ارتتىرۋ كۋرسىنان ءوتىپ، حالىقارالىق سەرتيفيكاتتارعا يە بولاتىندىعى قاتىسۋشىلار ءۇشىن ەرەكشە قىزىعۋشىلىق تۋدىردى.
پەرۋزا اسىلبەك،
ءقببجتعاو ادىسكەرى