الماتى قالاسىنىڭ تۋريزم باسقارماسى تۋريستىك گيدتەر قاۋىمداستىعىنىڭ دۇنيەجۇزىلىك فەدەراسياسىمەن بىرلەسىپ، گيدتەردىڭ، ەكسكۋرسوۆودتاردىڭ جانە تۋريزم نۇسقاۋشىلارىنىڭ بىلىكتىلىگىن ارتتىرۋ كۋرستارىن ۇيىمداستىردى. كۋرستار وسى جىلدىڭ 12 شىلدەسىنەن 12 تامىزىنا دەيىن الماتى قالاسىندا وتەدى.
دۇنيەجۇزىلىك تۋريستىك گيدتەر قاۋىمداستىعىنىڭ فەدەراسياسى (WFTGA) – 80-نەن استام ەلدىڭ گيدتەر وداعىن قامتيتىن كاسىبي ۇيىم. بۇل ۇيىم گيدتەردىڭ بىلىكتىلىك باعدارلاماسىن ازىرلەدى، ونىڭ ماقساتى ەكسكۋرسيا جۇرگىزۋ تەحنيكاسى بويىنشا ستاندارتتاردى بەكىتۋ جانە بۇكىل الەم بويىنشا ەكسكۋرسوۆودتاردىڭ كاسىبيلىگىن ارتتىرۋ بولىپ تابىلادى.
الماتى - ورتالىق ازيانىڭ جۇرەگى، ول ءوزىنىڭ يننوۆاسيالارىمەن، مادەني ارتۇرلىلىگىمەن، بىرەگەي تابيعاتىمەن جانە ەكونوميكالىق وسۋىمەن الەمدى تاڭ قالدىرۋدى جالعاستىرۋدا. وسىعان بايلانىستى تۋريستەرگە ساپالى قىزمەت كورسەتۋدى قامتاماسىز ەتۋ ءۇشىن گيدتەر مەن نۇسقاۋشى گيدتەردىڭ بىلىكتىلىك دەڭگەيىن تۇراقتى نەگىزدە ارتتىرۋ قاجەت، دەپ اتاپ ءوتتى تۋريزم باسقارماسى.
كۋرس اياسىندا ءوز مىندەتتەرىن ءتيىمدى ورىنداۋ ماقساتىندا شەتەلدىك تۋريستەرمەن جۇمىس ىستەۋدىڭ نەگىزگى بىلىمدەرى مەن داعدىلارىنا گيدتەردى تەوريالىق جانە پراكتيكالىق وقىتۋ كوزدەلەدى.
جالپى، كۋرس بارىسىندا 200 گيد، ەكسكۋرسوۆودتار مەن تۋريزم نۇسقاۋشىلارى وقيتىن بولادى. ونىڭ ىشىندە 36 ادام WFTGA بىلىكتىلىكتى ارتتىرۋ كۋرستارىنان وتەدى، 164 - نەگىزگى دايىندىق كۋرسى، ونىڭ 38ء-ى جۇڭگو تىلىندە.
كاسىبي مامانداردان ءبىلىم العاننان كەيىن كۋرسقا قاتىسۋشىلار ق ر حالىقارالىق جانە ۇلتتىق ستاندارتتار نەگىزىندە تۋريستەرگە قىزمەت كورسەتۋ سەرۆيسىنىڭ بىلىكتىلىگى مەن دەڭگەيىن ارتتىرا الادى. سونداي-اق تۋريستىك مارشرۋتتار مەن ەكسكۋرسيالاردى ازىرلەۋ جانە ىسكە اسىرۋ، كۋرستى اياقتاعاننان كەيىن الاعن ءبىلىمدەرىن قانشالىقتى يگەرگەنى باقىلانادى.