«QazaqGaz Aimaq» اق الماتى قالاسىنداعى گاز جەلىلەرىن جاڭعىرتۋ بويىنشا 2025 جىلعا ارنالعان جوسپارلارىن جاريالادى.
«QazaqGaz Aimaq» اق الماتى وندىرىستىك فيليالىنىڭ وندىرىستىك-تەحنيكالىق ءبولىمىنىڭ باستىعى ايبەك قاسىموۆ وڭىرلىك كوممۋنيكاسيالار قىزمەتى بريفينگىندە حابارلاعانداي، بيىل جەلىلەردى قايتا قۇرۋ بويىنشا اۋقىمدى جۇمىستار جۇرگىزىلەتىن بولادى، دەپ حابارلايدى aqshamnews.kz.
سپيكەردىڭ ايتۋىنشا، مەگاپوليستە گازبەن جابدىقتاۋ جۇيەسىن قايتا قۇرۋعا باعىتتالعان ينۆەستيسيالىق باعدارلاما بەكىتىلگەن.
باعدارلاما اياسىندا 2024 جىلى قالانىڭ ماڭىزدى اۋداندارىندا – الاتاۋ، ناۋرىزباي، تۇركسىب، اۋەزوۆ، المالى جانە جەتىسۋ اۋداندارىندا 2 2 شاقىرىم گاز قۇبىرى قايتا جاڭعىرتىلدى. بۇل جۇمىستار ينفراقۇرىلىمنىڭ قىزمەت ەتۋ مەرزىمىن ۇزارتۋعا جانە جۇيەنىڭ وتكىزۋ قابىلەتىن ارتتىرۋعا مۇمكىندىك بەرەدى.
ايبەك قاسىموۆتىڭ ايتۋىنشا، 2025 جىلى جاڭعىرتۋ جۇمىستارى جالعاسادى. جوسپارعا سايكەس:
- ورتا جانە تومەن قىسىمدى 31،7 شاقىرىم گاز قۇبىرىن قايتا قۇرۋ؛
- 11 شكافتى گاز رەتتەۋ پۋنكتىن (شگرپ) جاڭارتۋ؛
- 13 ەلەكتروحيميالىق قورعانىس نىسانىن جاڭعىرتۋ جۇمىستارى جوسپارلانعان.
بۇل شارالار گازبەن جابدىقتاۋ سەنىمدىلىگىن ارتتىرۋعا، پايدالانۋ تاۋەكەلدەرىن ازايتۋعا باعىتتالعان جانە قولدانىستاعى جەلىلەردىڭ قىزمەت ەتۋ مەرزىمىن ۇزارتۋعا مۇمكىندىك بەرەدى.
«ءبىزدىڭ مىندەتىمىز - ماۋسىمعا قاراماستان الماتىنىڭ ءاربىر تۇرعىنى ءۇشىن ۇزدىكسىز جانە ءقاۋىپسىز گازبەن جابدىقتاۋدى قامتاماسىز ەتۋ. قايتا قۇرۋ جۇمىستارىنىڭ ارقاسىندا ءبىز گاز قۇبىرلارىنىڭ وتكىزۋ قابىلەتىن ارتتىرىپ، قالانىڭ ءوسىپ كەلە جاتقان سۇرانىسىن قاناعاتتاندىرامىز»، – دەدى كومپانيا وكىلى.
سونىمەن قاتار، تۇرعىندار اراسىندا قاۋىپسىزدىك دەڭگەيىن ارتتىرۋ بويىنشا بەلسەندى جۇمىس جالعاسۋدا. باعدارلاما شەڭبەرىندە كومپانيا قىزمەتكەرلەرى تۇرعىنداردى تۇراقتى تۇردە گازدى پايدالانۋ ەرەجەلەرى جايلى اقپاراتتاندىرىپ، جادىنامالار تاراتادى. مەترو ەكراندارىندا بەينەروليكتەر كورسەتىلىپ، «112» قىزمەتى ارقىلى قالا تۇرعىندارىنىڭ تەلەفوندارىنا قاۋىپسىزدىك شارالارى تۋرالى SMS-حابارلامالار جىبەرىلەدى.