الماتىدا فيتنەس-كلۋبتاردا ۇرلىق جاساپ جۇرگەن ادام ۇستالدى

كۇدىكتى قاماۋعا الىندى.

ونىڭ وسىعان ۇقساس 10 ۇرلىققا قاتىسى بار ەكەندىگى انىقتالدى، دەپ حابارلايدى Almaty-akshamy.kz رolisia.kz-كە سىلتەمە جاساپ.

الماتىدا  فيتنەس-كلۋبتاردا ۇرلىق جاساپ جۇرگەن 32 جاستاعى يۋ.ەسىمدى ازامات بولىپ شىقتى. ول باسقا جاقتان كەلگەن. الماتىدا جالدامالى پاتەردە تۇرادى، تۇرعىلىقتى جەرىن ۇنەمى اۋىستىرىپ تۇرعان.

«ول تەك فيتنەس-كلۋبتاردا ۇرلىق جاساپ جۇرگەن. جاتتىعۋ زالدارىنا كليەنتتىڭ اتىن جامىلىپ كەلىپ، جالعان جەكە دەرەكتەر بويىنشا ءبىر رەتتىك جاتتىعۋعا جازىلىپ، جاتتىعۋ زالىندا جارتى ساعاتتان ارتىق بولماي، كەيىن كيىم اۋىستىراتىن بولمەگە قاراي كەتكەن. ول جەردە كەلۋشىلەردىڭ جەكە زاتتارىنان سورەنىڭ كىلتىن تاۋىپ الىپ، ولاردى اشىپ، وزىمەن بىرگە بوتەننىڭ اقشاسىن، تەلەفوندارى مەن زەرگەرلىك بۇيىمدارىن الىپ كەتكەن. كۇدىكتى قاماۋعا الىندى. سوتقا دەيىنگى تەرگەۋدىڭ وسى كەزەڭىندە قاسكويدىڭ وسىعان ۇقساس 10 ۇرلىققا قاتىسى بار ەكەندىگى انىقتالدى. ءبىز باسقا دا ىقتيمال ەپيزودتاردى جوققا شىعارمايمىز. بۇل باعىتتاعى جۇمىستار جالعاسادى»، – دەيدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.

سونىمەن قاتار ول يۋ. ەسىمدى ازاماتتىڭ بۇرىن مۇلىكتىك قىلمىس جاساعانى ءۇشىن قىلمىستىق جاۋاپكەرشىلىككە تارتىلعانىن ايتتى.