بۇرىن ءىستى بولعان ەكى جىگىت فيرمالاردىڭ ءبىرىنىڭ كەڭسەسىنە ۇرلىققا ءتۇستى
قىلمىسكەرلەردىڭ ارەكەتى بەينەباقىلاۋ كامەرالارىنا ءتۇسىپ قالعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«كەڭسەگە كىرۋدىڭ ءبىرىنشى ارەكەتى ءساتسىز اياقتالدى. بۇل ءساتتى دە بەينەكامەرالار ءتۇسىرىپ العان. باستى ءىس-شارا كەزىندە قاسكويلەردىڭ ءبىرى ەكىنشى قاباتقا كوتەرىلىپ، پلاستيك تەرەزەنى اشقان جانە سول ارقىلى سەيفتى كوشەگە لاقتىرىپ جىبەرگەن. سول جەردە ەكىنشى قاسكوي كۇتىپ تۇرعان. كۇدىكتىلەردىڭ ولجاسى ءبىر جارىم ميلليون تەڭگەدەن استام سومانى قۇراعان. جەدەل ىزدەستىرۋ ءىس-شارالارىنىڭ بارىسىندا كۇدىكتىلەر ۇستالدى. ولار - 26 جانە 28 جاستاعى جىگىتتەر. بۇرىن ەكەۋى دە وسىعان ۇقساس قىلمىستار ءۇشىن سوتتالعان»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
ۇستالعاندارعا بوتەننىڭ مۇلكىن ۇرلادى دەگەن ايىپ تاعىلدى. ولار قاماۋعا الىندى.