بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا الماتىنىڭ باس سانيتارلىق دارىگەرى جانداربەك بەكشين حابارلادى. ول رەسەي فەدەراسياسىندا اۋرۋدىڭ تاعى ءبىر ءوسۋى تىركەلگەنىن اتاپ ءوتتى. كوۆيد بويىنشا انتيرەكوردتار ەۋروپا جانە بالتىق ەلدەرىندە ورناتىلدى، دەپ حابارلايدى almaty-akshamy.kz
جانداربەك بەكشيننىڭ ايتۋىنشا، كولىكتەگى سانيتارلىق-ەپيدەميولوگيالىق باقىلاۋ باسقارماسىنىڭ ەپيدەميولوگ ماماندارى مەن مەديسينا قىزمەتكەرلەرى وسى ەلدەردەن الماتى حالىقارالىق اۋەجايىنا كەلگەندەردى باقىلاۋدى كۇشەيتتى.
شەتەلدەن كەلگەن بارلىق جولاۋشىلار جوعارى تەمپەراتۋرانى تىركەيتىن ارنايى قۇرالمەن – جىلۋعا دەن قويعىشپەن سكانەرلەنەدى. بۇل قاۋىپسىزدىك شارالارىنىڭ كۇشەيۋىنە بايلانىستى.
«رەسەي فەدەراسياسىنداعى جاعداي كۇرت كۇردەلەنە ءتۇستى. ءبىز ەۋروپادان كەلگەندەردى باقىلاۋدى كۇشەيتتىك، ءقازىر اۋرۋدىڭ كۇرت ءوسۋى بايقالادى. رۋمىنيادا، ۇلىبريتانيادا جانە بالتىق ەلدەرىندە انتيرەكوردتار جازىلدى. حالىق قازىرگى ۋاقىتتا اينالىمداعى «دەلتا» نۇسقاسىنا تولىق ءمان بەرۋى كەرەك. ەگەر بۇرىن ديارەيا سياقتى كۆي سيمپتومى باسىم بولسا، بۇگىندە وعان نەيرو-توكسيكالىق سيندروم قوسىلدى، بۇل - ەستە ساقتاۋ قابىلەتىنىڭ ناشارلاۋى. ناۋقاستار اۋرۋحاناعا تۇسكەن كەزدە ەسىن جوعالتادى. باس ميى زاقىمدانادى، اۋىرىپ جازىلعان ادامدى پوستكوۆيدتىك سيندروم قۋدالايدى»، - دەپ حابارلادى جانداربەك بەكشين.
ول ءقاۋىپ ايماعىندا ءالى كۇنگە دەيىن اۋرۋدى قيىنداتاتىن قارت ادامدار بار ەكەنىن ايتتى.
«ەڭ كوپ جۇقتىرعاندار - 20-39 جاستاعى ازاماتتار، ولار اپتاسىنا جۇقتىرعانداردىڭ 28%-ىن قۇرايدى، 24%-ى-40-59 جاستاعى تۇرعىندار، 25%-ى-60 جاستان اسقان ادامدار. سوڭعى اپتادا بالالار مەن جاسوسپىرىمدەر اراسىندا اۋرۋشاڭدىقتىڭ 2،6%-عا وسكەنى بايقالادى»، - دەپ حابارلادى الماتىنىڭ باس سانيتارلىق دارىگەرى.
ول ۆاكسينالانۋدى كەيىنگە قالدىرماۋعا، ادامدار كوپ جينالاتىن ورىندارعا، تۇنگى كلۋبتارعا، مەيرامحانالارعا بارۋدى، ءۇي ءىس-شارالارىن وتكىزۋدى شەكتەۋگە شاقىردى.
جانداربەك بەكشين قازىرگى كورونۆيرۋستىڭ «دەلتا» نۇسقاسى جاعدايىندا، ونىڭ تولقىندىلىعى مەن مۋتاسياسى كەزىندە يممۋندىق قاباتتى 80%-عا جەتكىزۋ كەرەك دەپ سانايدى. الايدا، ۆاكسيناسيانىڭ كۇندەلىكتى ءوسۋى 1% قۇرايدى.
«ءقازىر يممۋندىق قابات 54%-دى قۇرايدى. ەگەر وسىنداي قارقىندى ساقتاپ قالاتىن بولساق، وندا ۆاكسيناسيا مەرزىمى جىل سوڭىنا دەيىن سوزىلىپ، 70%-عا جەتۋى مۇمكىن»، - دەدى جانداربەك بەكشين.
باس سانيتارلىق دارىگەر قازىرگى كوروناۆيرۋستىڭ «دەلتا» نۇسقاسىنىڭ وتە ءقاۋىپتى ەكەنىن، الماتىدا وسىعان قاتىستى جاعدايدىڭ 95%-ىنىڭ تىركەلگەنىن، اۋىرىپ جازىلعاندار اراسىندا اعزانىڭ السىرەۋى مۇمكىن ەكەنىن ەسكە سالدى.