الەم ەلدەرى ءوزارا سانالى تاۋەلدىلىك داۋىرىنە كەلۋى كەرەك
قازاقستاننىڭ حالىق جازۋشىسى، اقىن ولجاس سۇلەيمەنوۆتىڭ بۇل فيلوسوفيالىق فورمۋلاسى بۇگىن الماتىدا وتكەن ەۋرازيا مادەنيەتتەرىن جاقىنداستىرۋ حالىقارالىق فورۋمىنا نەگىز بولدى.
دۇنيەجۇزىندەگى زورلىق-زومبىلىق وشاقتارى، «وركەنيەتتەر قاقتىعىسى»، يدەولوگيالىق ءدىني كوزقاراستار – مۇنىڭ ءبارى تۇتاس ادامزاتتىق سانانىڭ جوقتىعىنان، دەيدى ساراپشىلار. قازاقستان، يسپانيا، ءۇندىستان، فرانسيا، تۇركيا، رەسەي ەلدەرىنىڭ وزىق ويلى وكىلدەرى «الەمدەگى مادەني سايكەستىك»، «ءوزارا تاۋەلدىلىك مادەنيەتىن دامىتۋعا ارنالعان ءبىلىم» تاقىرىپتارى توڭىرەگىندە وي ءبولىستى.
«ءبىز سانالى ءوزارا تاۋەلدىلىككە كەلۋىمىز كەرەك. مىنە، نەگىزگى كىلت وسى. ءبىز تاۋەلدى ەكەنىمىزدى ءتۇسىنۋىمىز كەرەك. ءبىراق بۇل سانالى بولۋى كەرەك. ءبىرىن-بىرى قىسپاققا الۋ ەمەس، ءوزارا تاۋەلدىلىك مادەنيەتى اياسىنداعى قارىم-قاتىناس كەرەك. بۇگىنگى جيىن پلانەتارلىق سانانى قالىپتاستىرۋعا جاسالعان يگى قادام دەر ەدىم»، - دەدى مادەنيەتتانۋشى مۇرات اۋەزوۆ.