الماتى — قازاقستاننىڭ بەتكە ۇستار قالاسى بولىپ قالۋى قاجەت - ءاسانالى ءاشىموۆ
قازاقستاننىڭ بەلگىلى ارتيستەرى جۇبانىش جەكسەن، ماقسات بازاربايەۆ، ايجان نۇرماعامبەتوۆا، اباي بەگەي، قاراگوز سۇلەيمەنوۆا، الما امانجولوۆا، مارال اناربەك، نۇرمۇحاممەد جاقىپ، اقبوتا-نۇر سەيتماعامبەت، ينديرا ەلەمەس، ەرمەك مەدەنوۆ، ديانا يسمايل، نۇرسۇلتان نۇربەردييەۆ، ALPHA توبى، ەركەبۇلان دايىروۆ، جاندوس ايباسوۆ جانە باسقا دا انشىلەر مەن اكتەرلار سەنبىلىككە قاتىسىپ، تىڭدارماندارىن قورشاعان ورتانى تازا ۇستاۋعا، ەكولوگيالىق مادەنيەتتى دامىتۋعا اتسالىسىپ، ناسيحاتتاۋعا شاقىردى، دەپ حابارلايدى Almaty-akhamy.kz.
ارتيستەر «تازا قازاقستان» جانە «الماتى — ءبىزدىڭ ورتاق ءۇيىمىز» سياقتى اۋقىمدى الەۋمەتتىك جوبالاردىڭ يدەولوگيالىق قۇندىلىقتارى ءارقايسىمىزدىڭ كۇندەلىكتى ءومىرىمىزدىڭ ءبىر بولىگى بولۋعا ءتيىس ەكەنىنە سەنىمدى. ولار وسى ناۋقانداردى وتكىزۋ اياسىنداعى ەكولوگيالىق جانە شىعارماشىلىق جوبالار قورشاعان ورتاعا دەگەن سۇيىسپەنشىلىكتى ودان ءارى وياتۋعا، مۇددەلەس جانداردى بىرىكتىرۋگە جانە قالانىڭ ينفراقۇرىلىمىنا جاناشىرلىقپەن قاراۋ ادەپتەرىن قالىپتاستىرۋعا كومەكتەسەدى دەيدى.
«سۋ تاسقىنى سالدارىن جويۋعا بايلانىستى سوڭعى وقيعالار ءار ادامعا وي سالعانى انىق. ەڭ الدىمەن، ءبىز بارىمىزدى باعالاۋعا ءتيىسپىز. تابيعي اپات تەك اۋماقتىق تۇرعىدا ءبىزدى اينالىپ ءوتتى، دەسەك تە بۇل وقيعالار كوپتەگەن ادامنىڭ ومىرىنە قاتتى اسەر ەتتى. ءبىز شىنىمەن دە تازالىقتى ساقتاپ، بارشانى تابيعاتتى ايالاۋعا شاقىرۋىمىز كەرەك. شىن مانىندە، كورىنگەن جەردە قوقىس تاستاماۋ، ينفراقۇرىلىمعا زيان كەلتىرمەۋ سىندى قاراپايىم ەرەجەلەردى قاتاڭ ساقتاۋىمىز قاجەت»، — دەدى ق ر ەڭبەك سىڭىرگەن قايراتكەرى، بەلگىلى ارتيست جۇبانىش جەكسەن.
ونەر ادامدارى اباي جانە الاتاۋ داڭعىلدارىنىڭ قيىلىسىندا 300 الما جانە 200 قاراعاي وتىرعىزۋعا قاتىستى، سونداي-اق ورتالىق مادەنيەت جانە دەمالىس ساياباعى ماڭىندا ارىق جەلىسىن تازالاۋعا، قوقىس جاشىكتەرى مەن قورشاۋلاردى بوياۋعا قاتىستى، «سارىارقا» سكۆەرىنىڭ اۋماعىندا ارىق جەلىسىن تازالاپ، 50 كوشەت وتىرعىزدى. سونداي-اق، ەسترادا جۇلدىزدارىنىڭ قاتىسۋىمەن «سەيفۋللين» سكۆەرىنىڭ اۋماعىندا 100 كوشەت وتىرعىزىلدى.
«الماتى – 1000 جىلدىق تاريحى بار ادەمى قالا. مەن مۇندا 17 جاسىمنان بەرى تۇرامىن، ءوزىمدى جەرگىلىكتى الماتىلىق سەزىنەمىن. كەز كەلگەن باسقا قالادا مەنىڭ قىسىمىم كوتەرىلەدى، ال ۇيگە قايتقاردا بىردەن قالىپقا كەلەدى. سۇيىكتى الماتىمىزدى تازا ۇستايىق، ول قازاقستاننىڭ بەتكە ۇستار قالاسى بولىپ قالۋى قاجەت. بارلىق ارىپتەستەرىمدى جانە جاس تالانت يەلەرىن بەلسەندى بولۋعا شاقىرامىن»، - دەدى قازاقستاننىڭ ەڭبەك ەرى ءاسانالى ءاشىموۆ.
ايتا كەتەيىك، «الماتى — ءبىزدىڭ ورتاق ءۇيىمىز» ناۋقانىن ىسكە اسىرۋ اياسىندا اكسيالار جالعاسىپ جاتىر. تولىق اقپارات Almaty.kz سايتىندا.
https://www.instagram.com/reel/C53ujW8sRiU/؟igsh=bThwaXhscTNoNmIx
https://www.instagram.com/reel/C58TNN8tBsT/؟igsh=a2NxbXBzeWhkcjlu
https://www.instagram.com/reel/C5-TgVKi2hd/؟igsh=bHQxNDU4YTBjNXln
https://www.instagram.com/reel/C58VGqyN0un/؟igsh=MWY4ZzBmc2hicXk4OA==