الماتىدا «تازا قازاقستان» جالپىۇلتتىق باعدارلاماسى مەن قالالىق «الماتى – ءبىزدىڭ ورتاق ءۇيىمىز» ناۋقانى اياسىندا «ءبىزدىڭ قالا – ءبىزدىڭ ماقتانىشىمىز» اتتى سوڭعى اپتا باستالدى، دەپ حابارلايدى aqshamnews.kz
بۇل كەزەڭ 24 ناۋرىزدان 1 ساۋىرگە دەيىن جالعاسادى. باستاما اياسىندا قالانى كوركەيتۋ، تاريحي-مادەني مۇرا نىساندارىنىڭ اۋماعىن كەشەندى تازالاۋ، سونداي-اق 160 قالا ەسكەرتكىشتەرى مەن مۇسىندەرىن تازارتۋ جۇمىستارى جوسپارلانعان.
«قاسبەتتەن قاسبەتكە دەيىن» اتتى كوشە تازالاۋ اكسياسى، جالعىزباستى زەينەتكەرلەر مەن مۇمكىندىگى شەكتەۋلى جانداردىڭ اۋلالارىن تازالاۋعا باعىتتالعان «جاقىنىڭا جاردەمدەس» قايىرىمدىلىق شاراسى جانە اعاش وتىرعىزۋ بويىنشا جەرگىلىكتى سەنبىلىكتەر جالعاسۋدا.
فينالدىق كەزەڭ اياسىندا قالا تۇرعىندارىنا ارنالعان «جاسىل اۋلا» كوشەتتەر تاراتۋ اكسياسىنا ءوتىنىم قابىلداۋ باستالادى. كوپقاباتتى ۇيلەردىڭ اۋلاسى مەن قوعامدىق ورىنداردى كوگالداندىرۋدى قالايتىن كەز كەلگەن ادام تەگىن كوشەت الا الادى. تولىق اقپاراتتى www.almaty.kz سايتىنان كورۋگە بولادى.
ايتا كەتەيىك، «الماتى – ءبىزدىڭ ورتاق ءۇيىمىز» ناۋقانى 1 ناۋرىزدان 1 ساۋىرگە دەيىن وتۋدە. وسى ۋاقىت ىشىندە الماتىدا 4 مىڭنان استام اۋلا اۋماعىن، 445 قالالىق ساياباق پەن سكۆەردى، 2 مىڭنان استام كوشەنى تازالاۋ، 600-دەن استام زاڭسىز ساۋدا نىسانىن ءسۇرۋ، 3 مىڭنان استام قوقىس جاشىگىن ورناتۋ، 10 مىڭنان استام اعاش پەن بۇتا وتىرعىزۋ جوسپارلانعان.
سونىمەن قاتار، ناۋقان اياسىندا ءتۇرلى بايقاۋلار مەن باستامالار جۇزەگە اسىرىلدى. «قورشاۋىڭدى/ورىندىعىڭدى/بەسەدكاڭدى بويا» اكسياسى اياسىندا 3 125 ليتر بوياۋ تاراتىلدى.
«ۇزدىك كوممۋنالدىق قىزمەتكەر» بايقاۋىنىڭ قورىتىندىسى بويىنشا ءار اۋداننان 24 ادام ماراپاتتالدى. جەڭىمپازدارعا مىناداي اقشالاي سىيلىقتار بەرىلدى: I ورىن – 150 000 تەڭگە، II ورىن – 100 000 تەڭگە، III ورىن – 50 000 تەڭگە.