الماتىدا ەسكەندىر حاسانعالييەۆ تۇرعان ۇيگە مەموريالدى تاقتا قويىلدى

سالتاناتتى ءىس-شاراعا قالالىق اكىمدىك وكىلدەرى مەن ەلگە بەلگىلى ونەر قايراتكەرلەرى ارنايى قاتىستى

الماتىدا بەلگىلى كومپوزيتور، قازاقستاننىڭ حالىق ءارتىسى ەسكەندىر حاسانعالييەۆ تۇرعان ۇيدە مەموريالدى تاقتا اشىلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.

سالتاناتتى ءىس-شاراعا قالالىق اكىمدىك وكىلدەرى مەن ەلگە بەلگىلى ونەر قايراتكەرلەرى ارنايى قاتىستى. ولار ءانشىنىڭ قازاقستاندىق مۋزىكا سالاسىنا قوسقان ۇلەسى مەن كوپكە تانىمال اندەرىنىڭ ماڭىزىن تارقاتتى.

«اعامنىڭ جازعان ازداعان عانا اندەرىنىڭ كەرەمەتتىگى سونداي، ءبىر ءانى ءبىر انىنە ۇقسامايدى. اعانىڭ ءوزى جوق بولسا دا، مىنەكەي، ءانى ماڭگىلىك ءبىزدىڭ قازاققا مۇرا بولىپ قالىپ وتىر»، – دەدى قازاقستاننىڭ حالىق ءارتىسى التىنبەك قورازبايەۆ.

ەسكەندىر حاسانعالييەۆ بۇل ۇيدە 24 جىل تۇرعان. كومپوزيتوردىڭ ۇلىنىڭ ايتۋىنشا، ونەر مەن مادەنيەت وكىلدەرىنە ۇيا بولعان قارا شاڭىراق - قاشان دا ىستىق.  

«مەن ويلايمىن، اكەمنىڭ قازاق حالقىنا قالدىرعان مول شىعارماشىلىق مۇراسى، سول قازاق حالقىنىڭ جۇرەگىندە ماڭگىلىككە قالادى دەپ ويلايمىن. ال بۇگىنگى كۇن، سونىڭ ناعىز ءبىر دالەلى رەتىندە سانايمىز»، – دەدى ءانشى، ق ر ەڭبەك سىڭىرگەن قايراتكەرى ءبىرجان حاسانعالييەۆ.