پوليسيا قىزمەتكەرلەرى وزبەكستان ازاماتىنان 81 بۋما سينتەتيكالىق ەسىرتكىنى تاركىلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ق ر قك-نىڭ 297-بابى 3ء-بولىمىنىڭ 1،3 تارماعى (الدىن الا ءسوز بايلاسۋ ارقىلى ادامدار توبىندا، ەسىرتكى، پسيحوتروپتىق زاتتاردى وتكىزۋ ماقساتىندا زاڭسىز اينالىسۋ) بويىنشا قىلمىستىق قۇقىقبۇزۋشىلىق جاسادى دەگەن كۇدىكپەن 2000 جىلى تۋعان م.ەسىمدى ازامات ۇستالدى. جەكە ءتىنتۋ كەزىندە ودان ەرەكشە ءيىستى، اق ءتۇستى ۇنتاق زاتى بار 81 بۋما تابىلدى جانە تاركىلەندى. ساراپتاما قورىتىندىسىنا سايكەس، بۇل – تاراتۋعا تىيىم سالىنعان پسيحوتروپتىق زات. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلىپ جاتىر. ونىڭ قورىتىندىسى بويىنشا پروسەسسۋالدىق شەشىم قابىلداناتىن بولادى»، – دەدى اۋەزوۆ اۋداندىق پوليسيا باسقارماسىنىڭ باسشىسى ۇلان ءابىلقايىر.
تەرگەۋ بارىسىندا كۇدىكتى ۋاقىتشا ۇستاۋ يزولياتورىنا قامالدى. ال جەدەل ۋاكىلدەر قالاعا ءشوپتى جەتكىزۋ ارنالارىن انىقتاپ جاتىر.