الماتى قالاسى بويىنشا ۇقك دەپارتامەنتى قالالىق پروكۋراتۋرامەن بىرلەسىپ سينتەتيكالىق ەسىرتكى جاسايتىن جەراستى زەرتحاناسىن جويدى. بۇل تۋرالى 2024 جىلى 1 ماۋسىمدا ق ر ۇقك مالىمەت تاراتتى، دەپ حابارلايدى almaty-akshamy.kz ق ر ۇقك باسپا ءسوز قىزمەتىنە سىلتەمە جاساپ.
ۇسىلىنعان مالىمەتكە سايكەس، 16 مامىردا وڭتۇستىك استانانىڭ جەكە ۇيلەرىنىڭ بىرىندە پسيحوتروپتىق زاتتاردى دايىنداۋ پروسەسىندە قازاقستاننىڭ ەكى ازاماتى ۇستالدى.
«ءتىنتۋ بارىسىندا 7 كەلى «مەفەدرون» پسيحوتروپتىق زاتى جانە 200 ليتر پرەكۋرسورلار، سونداي-اق ەسىرتكى قۇرالدارىن دايىنداۋعا ارنالعان جابدىقتار الىندى. تابىلعان ەسىرتكىنىڭ قۇنى «قارا» نارىقتا شامامەن 140 ملن تەڭگەنى قۇراۋى مۇمكىن»، دەلىنگەن حابارلامادا.
سۋرەت: ق ر ۇقك باسپا ءسوز قىزمەتى
تەرگەۋ مالىمەتتەرى بويىنشا، ۇستالعان ادامدار شەتەلدىك ينتەرنەت-دۇكەندەردىڭ ءبىرىنىڭ مۇددەسى ءۇشىن «ۆارششيكتەر» دەپ اتالاتىندار رەتىندە جۇمىس ىستەگەن.
«سوتتىڭ سانكسياسىمەن ولارعا قاماۋدا ۇستاۋ تۇرىندەگى بۇلتارتپاۋ شاراسى تاڭدالدى. ق ر قىلمىستىق كودەكسىنىڭ 297-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلۋدە»، - دەپ مالىمدەدى ق ر ۇقك باسپا ءسوز قىزمەتى
ق ر قىلمىستىق-پروسەستىك كودەكستىڭ 201-بابى 1-بولىگىنە سايكەس وزگە اقپارات جاريا ەتۋگە جاتپايدى.