الماتى قالاسىنىڭ اكىمى ەربولات دوسايەۆ المالى اۋدانىنىڭ تۇرعىندارىمەن كەزدەسۋ بارىسىندا اۋدان تۇرعىندارىن ساپالى مەديسينالىق قىزمەتتەرمەن قامتاماسىز ەتۋ ماسەلەلەرى بەلسەندى تۇردە شەشىلىپ جاتقانىن اتاپ ءوتتى.
سونىمەن قاتار، ەرەكشە قاجەتتىلىكتەرى بار بالالارعا ارنالعان جاڭا سپورت ورتالىعى سالىناتىن بولادى. جاڭا نىسان رايىمبەك باتىر داڭعىلى، 312 مەكەنجايىندا ورنالاسادى. جوبادا ەرەكشە قاجەتتىلىكتەرى بار ادامدارعا ارنالعان ساۋىقتىرۋ جانە جاتتىعۋ ساباقتارىن وتكىزۋگە ارنالعان كوپفۋنكسيونالدى سپورت ورتالىعىنىڭ قۇرىلىسى كوزدەلگەن. ورتالىقتا ەكى باسسەين بولادى. جوبالىق قۋاتتىلىعى اۋىسىمىنا 144 ادامدى قابىلداي الادى.
قۇرىلىس جۇمىستارى 2025 جىلدىڭ ءبىرىنشى توقسانىندا باستالىپ، سول جىلدىڭ سوڭىندا اياقتالادى دەپ جوسپارلانعان.
سونىمەن قاتار، اكىمنىڭ ايتۋىنشا، بيىل جوندەۋ جۇمىستارى 2010 جىلدان بەرى جۇرگىزىلمەگەن ەكى الەۋمەتتىك نىساندا كۇردەلى جوندەۋ باستالدى. وسى جىلدىڭ شىلدە ايىندا ادام رەپرودۋكسياسى قالالىق ورتالىعىندا جوندەۋ جۇمىستارى باستالدى. №1 بلوكتاعى جوندەۋ جۇمىستارى 2023 جىلدىڭ جەلتوقسانىندا، ال №2 بلوكتاعى جۇمىستار 2025 جىلدىڭ ناۋرىزىندا اياقتالادى.
سونداي-اق، №3 ەمحانا عيماراتىنىڭ كۇردەلى جوندەۋ جۇمىستارى 2023 جىلدىڭ جەلتوقسانىندا اياقتالادى.