قازاقستاندا اتوم ەلەكتر ستانسياسىن سالۋ ماسەلەسىنە ارنالعان رەفەرەندۋمعا تەمىرجول سالاسىنداعى جالپى ەڭبەك ءوتىلى 826 جىل بولاتىن قاپىشيەۆتەر وتباسىنىڭ مۇشەلەرى قاتىستى.
اۋلەت مۇشەلەرى مەدەۋ اۋدانىنداعى №100 مەكتەپتە ورنالاسقان №407 سايلاۋ ۋچاسكەسىنە كەلىپ، داۋىس بەردى، دەپ حابارلايدى aqshamnews.kz.
«ازاماتتاردىڭ رەفەرەندۋمعا قاتىسۋى – قوعامنىڭ بولاشاعىن جانە دامۋ باعىتىن تۇسىنۋگە جاسالعان ماڭىزدى قادام. بۇگىن ءاربىر ازامات ءوز تاڭداۋىن جاساۋعا مۇمكىندىك الدى. ەلدەگى قارقىندى وزگەرىس جاعدايىندا رەفەرەندۋم ناتيجەسى بىزگە دامۋ قوزعالىسىنىڭ ۆەكتورىن كورسەتەدى»، – دەدى مۇرات قاپىشيەۆ.
تەمىرجولشىلار اۋلەتىنىڭ تاريحى شامامەن ءبىر عاسىر بۇرىن باستالعان. وتباسىنىڭ ءۇش بۋىنىندا 26 ادام وسى سالانى تاڭداعان. ءقازىر تەمىرجول سالاسىندا 10 وتباسى مۇشەسى جۇمىس ىستەيدى، ولار شەبەردەن باستاپ باسشىلىق قىزمەتكە دەيىن ءارتۇرلى لاۋازىمدى اتقارادى. بيىل قاپىشيەۆتەر اۋلەتى «مەرەيلى وتباسى» قالالىق بايقاۋىنىڭ جەڭىمپازى اتانعان.