حالىقارالىق ستۋدەنتتەر كۇنىنە وراي الماتى قالاسىندا «Almaty Students Week» اپتالىعى جانە «Jas Gala» جوباسى اياسىندا «ەڭ ۇزدىك ستۋدەنتتىك توپ – 2025» قالالىق بايقاۋى ءوتتى.
شارانى الماتى قالاسى جاستار ساياساتى باسقارماسىنىڭ قولداۋىمەن الماتى ستۋدەنتتەر اليانسى ۇيىمداستىردى.
بايقاۋدىڭ ماقساتى – ستۋدەنتتەردىڭ تۇلعالىق دامۋىن قولداۋ، ازاماتتىق بەلسەندىلىگىن ارتتىرۋ، ۇجىمدىق جاۋاپكەرشىلىك پەن شىعارماشىلىق ورتا قالىپتاستىرۋ.
جارىسقا قالاداعى 10 جوعارى وقۋ ورنىنان ۇزدىك دەپ تانىلعان 10 ستۋدەنتتىك توپ قاتىسىپ، ەكى كەزەڭ بويىنشا ب ا ق سىنادى:ءبىرىنشى كەزەڭ – جوو تانىستىرۋ، جوبالىق جۇمىس، الەۋمەتتىك بەلسەندىلىك، كرەاتيۆ؛
ەكىنشى كەزەڭ – ونەر كورسەتۋ، ينتەللەكتۋالدىق جانە شىعارماشىلىق تاپسىرمالار.
الماتى ستۋدەنتتەر اليانسىنىڭ ءتوراعاسى ايبولات نىعمەتجان ۇلى قاتىسۋشىلارعا ساتتىلىك تىلەپ، جاستاردىڭ بىرلىگى مەن بەلسەندىلىگىنىڭ ماڭىزىن اتاپ ءوتتى.
بايقاۋ ناتيجەسى بويىنشا:
جالپى جۇلدە قورى – 1 000 000 تەڭگە.
I ورىن (500 000 تگ):
«شىراق» – قازاق ۇلتتىق قىزدار پەداگوگيكالىق ۋنيۆەرسيتەتى
«AHEU جاستارى» – الماتى گۋمانيتارلىق ەكونوميكالىق ۋنيۆەرسيتەتى
II ورىن (300 000 تگ):
«شابىت» – نۇر-مۇباراك ۋنيۆەرسيتەتى
«Smart generation» – نارحوز ۋنيۆەرسيتەتى
III ورىن (200 000 تگ):
«QGNT» – اباي اتىنداعى قازۇپۋ
«Farabi نسو» – ءال-فارابي اتىنداعى قازۇۋ
شارا كونسەرتتىك باعدارلامامەن جانە جەڭىمپازداردى ماراپاتتاۋ راسىمىمەن اياقتالدى. توپتار العىس حاتتار مەن قارجىلاي سەرتيفيكاتتارعا يە بولدى.