الماتىدا ەمشىگە بارىپ ەمدەلگەن ەكى قارت سال بولىپ قالا جازدادى

الماتىدا نەيروحيرۋرگ دارىگەرلەر ەكى قارت اجەيدى سال بولىپ قالۋدان قۇتقاردى.

قالالىق دەنساۋلىق ساقتاۋ باسقارماسىنان ءمالىم ەتكەندەي، ەكى زەينەتكەر ورتالىق قالالىق كلينيكالىق اۋرۋحاناسىنا بىردەي دياگنوزبەن جۇگىنگەن. ياعني، جۇلىن كانالىنداعى جۇيكە ءتىنىنىڭ ىسىگى، دەپ حابارلايدى Almaty-akshamy.kz.

ناۋقاستاردىڭ ايتۋىنشا، ولار جاسىنا جانە باسقا دا ىلەسپە اۋرۋلارىنا بايلانىستى وتا جاساتۋعا قورقىپ، ەمشىلەردەن ەم ىزدەگەن.

ءبىراق جاعدايى ناشارلاپ، دارىگەرگە جۇگىنگەن.

«وتانىڭ قيىندىعى — ىسىكتىڭ جۇلىننىڭ سىرتىندا ەمەس ىشىندە ورنالاسۋىندا بولدى. جۇلىننىڭ وزىنە زاقىم كەلتىرۋ ءقاۋپى جوعارى ەدى. قۇدايعا شۇكىر، ەكى وپەراسيا دا ءساتتى ءوتتى جانە ءارقايسى شامامەن 3،5 ساعاتقا سوزىلدى. بۇل وتالاردى جاساۋ بارىسىندا ءبىز ءوز قوزعالىسىمىزدى باقىلاۋ جانە جۇلىننىڭ ساۋ بولىكتەرىنىڭ زاقىمدانۋىن بولدىرماۋ ءۇشىن نەيرومونيتورلار مەن نەيروناۆيگاسيالىق جۇيەنى قولداندىق»، - دەيدى وقكا نەيروحيرۋرگيا ءبولىمىنىڭ مەڭگەرۋشىسى مارات الماتوۆ.

وتادان كەيىنگى كەزەڭدە ناۋقاستار ستاسيوناردا وڭالتۋدان ءوتتى، ناتيجەسىندە 12 كۇن ىشىندە اياقتىڭ نيەۆرولوگيالىق بۇزىلىسىنىڭ رەگرەسسياسى 80%-عا دەيىن جەتتى.