الماتىدا جاز ايلارىندا ەلەكتر ساموكاتتارىنا قاتىستى جول-كولىك وقيعاسى 4 ەسەگە ارتتى.
بۇل تۋرالى باسپا ءسوز ءماسليحاتىندا قالالىق پوليسيا دەپارتامەنتىنىڭ رەسمي وكىلى سالتانات ازىربەك ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سپيكەردىڭ سوزىنشە، الماتىدا ميكروموبيلدى كولىك قۇرالدارىن پايدالانۋ بويىنشا كۇردەلى جاعداي قالىپتاستى.
«جاسىراتىنى جوق، قالا تۇرعىندارى ميكروموبيلدى كولىكتە جول ءجۇرۋ ەرەجەلەرىن ءجيى بۇزادى، جاياۋ جۇرگىنشىلەرگە جانە جول جۇرىسىنە باسقا دا قاتىسۋشىلارعا قولايسىزدىق تۋعىزادى. ستاتيستيكا مالىمەتى بويىنشا، جاز باستالعالى اتالعان كولىكتەرمەن بولعان جول اپاتى 4 ەسەگە كوبەيدى، - دەدى الماتى قالالىق پوليسيا دەپارتامەنتىنىڭ رەسمي وكىلى.
سالتانات ازىربەكتىڭ ايتۋىنشا، جول اپاتتارىنىڭ دەنىندە ساموكات نەمەسە موپەدتەردى كامەلەتكە تولماعان جاسوسپىرىمدەر باسقارادى.
ءقازىر ەلەكتر ساموكاتتارىنىڭ كولىك قۇرالى رەتىندەگى ستاتۋسىن رەتتەيتىن ستاندارت ازىرلەندى.
«جول ءجۇرىسى تۋرالى» زاڭعا وزگەرىستەر ەنگىزۋ كوزدەلگەن، وندا ەلەكتر ساموكاتتارىن باسقاراتىن ادامداردىڭ قۇقىقتارى دا، مىندەتتەرى دە ناقتى جازىلاتىن بولادى. سونىڭ سالدارىنان وزگەرىستەر جول قوزعالىسى ەرەجەلەرى مەن ق ر اكىمشىلىك قۇقىق بۇزۋشىلىق تۋرالى كودەكسىنە قاتىستى بولادى. بۇل – ۋاقىت تالابى. بۇل نورمالار جول قوزعالىسىنا قاتىسۋشىلار قاۋىپسىزدىگىنىڭ كەپىلى بولادى»،- دەپ اتاپ ءوتتى س. ازىربەك.
ەلەكتر ساموكاتتارىن جالعا بەرۋ قىزمەتىن ۇسىناتىن كومپانيانىڭ سىرتقى بايلانىستار ءبولىمىنىڭ باسشىسى دانييل كاپسانىڭ سوزىنشە، ساموكات – ءقاۋىپسىز. الايدا، جاۋاپسىز جۇرگىزۋ – ءقاۋىپتى.
«تالاپتى بۇزاتىن ءبىرىنىش جاعداي – ءبىر ساموكاتتا ەكى ادامنىڭ قوزعالۋى. بۇل وتە ءقاۋىپتى، ويتكەنى ءىس جۇزىندە ەكى جولاۋشى، ولاردىڭ جالپى سالماعىنا قاراماستان، ساموكاتتىڭ تۇراقتىلىعى مەن باسقارىلۋىن ەداۋىر تومەندەتەدى، اپات ىقتيمالدىعىن ارتتىرادى. سوندىقتان قىزمەت كورسەتۋ ەرەجەلەرىندە مۇنداي ساپارلارعا تىيىم سالىنادى، ايىپپۇل قاراستىرىلعان.
ەكىنشى جاعداي – جاياۋ جۇرگىنشىلەر وتكەلىنەن ءوتۋ. ساموكاتتارمەن بولاتىن جازاتايىم وقيعالاردىڭ كوپشىلىگى تروتۋارلار مەن اۆتوموبيل جولدارىنىڭ قيىلىسىندا ورىن الادى: ازىرگە بارلىق اۆتوكولىك جۇرگىزۋشىلەرى جاياۋ جۇرگىنشىلەر وتكەلىندە ساموكاتتاردىڭ كەنەتتەن پايدا بولۋىنا داعدىلانباعان، بۇل كوبىنەسە جازاتايىم وقيعالارعا اكەلەدى. قاۋىپسىزدىك ماقساتىندا ءاربىر ادام جاياۋ جۇرگىنشىلەر مەن اۆتوموبيل جولدارىنىڭ قيىلىسىندا ساموكاتتان ءتۇسۋ كەرەك.
تالاپتى بۇزاتىن ءۇشىنشى جاعداي – ساموكاتقا بالالاردىڭ ءمىنۋى»، - دەدى ول.