الماتى قالاسىنىڭ اكىمدىگى قالالىقتاردى ەپيدەميولوگيالىق قاۋىپسىزدىك ەرەجەلەرىن ساقتاۋعا شاقىرادى.
الماتى قالاسى اكىمىنىڭ ورىنباسارى ەرجان باباقۇماروۆ اۋماقتىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى، مەگاپوليستىڭ باس مەملەكەتتىك سانيتارلىق دارىگەرى جانداربەك بەكشينمەن جانە قالالىق قوعامدىق دەنساۋلىق باسقارماسى باسشىسىنىڭ ورىنباسارى لاۋرا مىرزاعاليمەن بىرگە COVID-19 قارسى ۆاكسينالاۋ پۋنكتتەرىنىڭ جۇمىسىن جانە قوعامدىق ورىندارداعى شەكتەۋ شارالارىنىڭ ساقتالۋىن تەكسەردى، دەپ حابارلايدى Almaty-akshamy.kz.
نەگىزگى ماقسات – ۇندىلىك «دەلتا» شتامىنىڭ سيركۋلياسياسى اياسىندا ەپيدەميولوگيالىق احۋالدىڭ ناشارلاۋى سالدارىنان قالالىقتاردىڭ ءومىرى مەن دەنساۋلىقتارىن قورعاۋ ءۇشىن ۆاكسينالاۋ قارقىنىن ارتتىرۋ.
ەمحانالاردا، ساۋدا ويىن-ساۋىق ورتالىقتارىندا، ۋنيۆەرسيتەتتەر مەن مەگاپوليستەگى بازارلاردا ورنالاسقان ۆاكسينا سالۋ پۋنكتتەرىن ارالادى. ولاردىڭ ىشىندە ءال-فارابي اتىنداعى قازۇۋ اۋماعىنداعى Smart helth city، Almaty Mall سوسو، “ماسكەۋ” سوسو جانە باسقا ۆاكسينالاۋ پۋنكتتەرى.
ۆاكسينالاۋ پۋنكتتەرىندەگى سانيتارلىق نورمالاردىڭ ساقتالۋىنا، ۆاكسينانىڭ تيىمدىلىگىنە اسەر ەتەتىن سۋىق تىزبەك رەجيمىن ساقتاۋعا نازار اۋدارىلدى. قالانىڭ بارلىق اۋداندارىنداعى 208 ەگۋ پۋنكتتەرىندە ۆاكسينالاۋعا ارنالعان سانيتارلىق ەرەجەلەر تالاپتارىنىڭ ساقتالۋىن تەكسەرۋ ءۇشىن جۇمىس توپتارى قۇرىلدى.
Almaty Mall ساۋدا-ويىن-ساۋىق ورتالىعىنداعى ۆاكسيناسيالاۋ ورتالىعىنىڭ قىزمەتىن تەكسەرۋ بارىسىندا №18 قالالىق ەمحانانىڭ تەراپيەۆتى سىمبات بەردىبەك ۆاكسينا سالدىرۋعا نيەت بىلدىرگەندەر قاتارىنىڭ ارتۋى قالالىقتاردىڭ ۆيرۋستىڭ ءقاۋپى تۋرالى جاقسى حاباردار ەكەندىكتەرىن جانە الماتىلىقتاردىڭ الەۋمەتتىك جاۋاپكەرشىلىكتەرىنىڭ وسكەنىن كورسەتەتىنىن ايتتى.
«تۇرعىندار تاراپىنان قىزىعۋشىلىق وتە جوعارى، كۇن سايىن بىزگە ۆاكسينا الۋ ءۇشىن 200-دەن 250-گە دەيىن ادام كەلەدى، قازىرگى كەزدە ءبىز 4000-عا جۋىق ادامعا ۆاكسينا سالدىق. ۆاكسينالار سالقىنداتقىش جانە مۇزداتقىش كامەرالاردا ساقتالادى. مىسالى، سپۋتنيك V ۆاكسيناسىنىڭ دوزالارى -18 دەن -24 دەيىنگى تەمپەراتۋرادا، قازاقستاندىق ۆاكسينا +2 +8 گرادۋس سەلسييدە ساقتالادى»، - دەيدى №18 قالالىق ەمحانانىڭ تەراپيەۆتى سىمبات بەردىبەك.
ايتا كەتسەك، وتكەن تاۋلىكتە الماتىدا بارلىعى 12 275 ادامعا ۆاكسينا سالىندى. بارلىق كەزەڭدە 450 مىڭعا جۋىق الماتىلىق ەكپە الدى.
جۇمىس توبى سونىمەن بىرگە قالا اسحانالارىنىڭ ءبىرى Qaganat-قا باردى. وندا تەكسەرۋ كەزىندە كەلۋشىلەردىڭ ماسكا رەجيمىن، الەۋمەتتىك اراقاشىقتىقتى ساقتاماي، سانيتارلىق نورمالاردى بۇزعانى انىقتالدى.
الماتى قالاسى اكىمىنىڭ ورىنباسارى ەرجان باباقۇماروۆ جۇمىس ساپارىنىڭ قورىتىندىسى بويىنشا ونلاين فورماتتا قالانىڭ مەديسينالىق ۇيىمدارىنىڭ باسشىلارىمەن، سونداي-اق اۋدان اكىمدىكتەرىنىڭ باسشىلىعىمەن تۇرعىندارعا مەديسينالىق قىزمەت كورسەتۋ ساپاسى مەن جۇمىسىنا بايلانىستى كەڭەس وتكىزدى. اۋدان اكىمدىكتەرىنە مەديسينالىق ۇيىمدارمەن بىرگە ءاقپاراتتىق-تۇسىندىرۋ جۇمىستارىن كۇشەيتۋ تاپسىرىلدى. مىسالى، ساۋدا-ويىن-ساۋىق ورتالىعى مەن سۇ-نە باراتىن ازاماتتار عيماراتقا كىرگەن ساتتەن باستاپ COVID-19-قا قارسى ۆاكسيناسيا مۇمكىندىگى تۋرالى حاباردار بولۋى جانە ۆاكسينا الۋدىڭ ماڭىزدىلىعى تۋرالى ءتيىستى اقپاراتتى كورۋى كەرەك.
مەگاپوليستەگى ەپيدەميولوگيالىق احۋال مۋتاسيالانعان «دەلتا» شتامىنىڭ تارالۋىنا بايلانىستى كۇردەلەنە ءتۇسىپ، ونىڭ ۇلەس سالماعى 78%-عا جەتتى. سوڭعى اپتادا كوروناۆيرۋسپەن اۋىرعاندار سانى 1،7 ەسەگە ءوستى. ماسەلەن، وتكەن تاۋلىكتە كوروناۆيرۋستىق ينفەكسيانىڭ 253 جاعدايى انىقتالدى. سوڭعى اپتادا كۆي بەلگىلەرى بار ناۋقاستاردىڭ ۇلەسى 32%-دان 53%-عا دەيىن ءوستى. بۇل مالىمەتتەر "دەلتا" شتامىنىڭ COVID-19 پاتوگەندىگىنىڭ جوعارى ەكەندىگىن كورسەتەدى. ەپيدەميولوگتاردىڭ ايتۋىنشا، "دەلتا" شتامى وتە جۇقپالى جانە انىقتالعان شتامدارعا قاراعاندا 60%-عا كوپ جۇقتىرادى. عالىمداردىڭ زەرتتەۋلەرى كورسەتكەندەي، كوروناۆيرۋستىڭ ءۇندى شتامىن جۇقتىرعانلار اۋرۋحاناعا جاتقىزىلادى، ءتىپتى كەي جاعدايدا اجال قۇشۋى دا ىقتيمال.
الماتى قالاسىنىڭ اكىمدىگى قالالىقتاردى ەپيدەميولوگيالىق قاۋىپسىزدىك ەرەجەلەرىن ساقتاۋعا شاقىرادى: بەتپەردە كيىپ، الەۋمەتتىك اراقاشىقتىقتى ساقتاۋ قاجەت، ادامدار كوپ شوعىرلانعان جەرلەرگە بارۋدان باس تارتقان ءجون. كۆي-دا قورعانىس پەن باقىلاۋدىڭ جالعىز ءادىسى ۆاكسينا الۋ (اقىسىز) ەكەنىن ەسكەرۋ قاجەت.