الماتىدا تۇراقتى ەپيدەميولوگيالىق جاعدايدى قامتاماسىز ەتۋ ماقساتىندا حالىقتى ۆاكسينالاۋ جانە ريەۆاكسيناسيالاۋ جالعاسۋدا، دەپ حابارلايدى اlmaty-akshamy.kz الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنە سىلتەمە جاساپ.
ۆەدومستۆونىڭ مالىمەتىنشە، الماتى قالاسىندا 2021 جىلعى 1 اقپاننان باستاپ 2022 جىلعى 26 ساۋىرگە دەيىن كۆي-عا قارسى I كومپونەنتپەن 1 178 796 ادام ەگىلدى، ال ۆاكسيناسيانىڭ تولىق كۋرسىمەن 1 143 424 ادام قامتىلدى. سونداي-اق، 26 ءساۋىر كۇنى كۆي-عا قارسى 365 855 ادام ريەۆاكسينالاۋدان ءوتتى. بۇل ريەۆاكسينالاۋعا جاتاتىن ادامدار سانىنىڭ 47،8%-ىن قۇرايدى.
جالپى، الماتىدا كۆي بويىنشا ەپيدەميولوگيالىق جاعداي تۇراقتى جانە قالا «جاسىل» ايماقتا تۇر. دەگەنمەن، قالادا ۇجىمدىق يممۋنيتەت بۇگىندە 59،8%-دى قۇرايدى. بۇل تۇراقتى ەپيدەميولوگيالىق جاعدايدى ۇستاپ تۇرۋ ءۇشىن جەتكىلىكسىز (يممۋندىق قاباتتىڭ كەمىندە 80%-ىنا قول جەتكىزۋ قاجەت).
قازىرگى ۋاقىتتا الماتى قالاسىنداعى بارلىق قالالىق ەمحانالاردا Qaz COVIDin/قازۆاك، VeroCell، «كوميرناتي» (Pfizer، اقش) سياقتى COVID-19-عا قارسى ۆاكسينالار جەتكىلىكتى مولشەردە بار. بارلىق تىلەك بىلدىرۋشىلەر تۇرعىلىقتى جەرى نەمەسە جۇمىس، وقۋ ورنى بويىنشا اۋماقتىق قالالىق ەمحانالاردا COVID-19-عا قارسى ۆاكسيناسيا، ريەۆاكسينالاۋدان وتۋلەرىنە بولادى.
«الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى قالاداعى تۇراقتى ەپيدەميولوگيالىق جاعدايدى ساقتاۋ ماقساتىندا تۇرعىنداردى ازاماتتىق جاۋاپكەرشىلىك تانىتىپ، كۆي-عا قارسى ۆاكسيناسيا مەن ريەۆاكسيناسيانى كەيىنگە قالدىرماۋعا شاقىرادى. تەك ۇجىمدىق يممۋنيتەت بىزگە ادەتتەگى ءومىر سالتىن جۇرگىزۋگە مۇمكىندىك بەرەدى. ۆاكسينالاۋ - COVID-19 پاندەمياسىمەن كۇرەسۋدىڭ ەڭ ءتيىمدى ءادىسى! اۋرۋدى ەمدەۋدەن گورى الدىن الۋ وڭاي»، - دەلىنەدى دەپارتامەنتتىڭ حابارلاماسىندا.