بۇل تۋرالى الماتى اكىمى ەربولات دوسايەۆ تۇركسىب اۋدانىنىڭ تۇرعىندارىمەن كەزدەسۋدە مالىمدەدى، دەپ حابارلايدى almaty-akshamy.kz
«سلاۆا اەروپورتا» جانە «№6 وقۋشىلار ءۇيى» سكۆەرلەرىن اباتتاندىرۋ جۇمىستارى جالعاسادى. سىرتقى جارىقتاندىرۋ جەلىلەرى، جاسىل ايماقتاردى سۋارۋ جۇيەسى، ورىندىقتار، قوقىس جاشىكتەرى ورناتىلىپ، جاياۋ جۇرگىنشىلەر جولدارى جاڭارادى.
اكىم اۋدان تۇرعىندارى ءۇشىن جايلى قالالىق ورتا قۇرۋ قالا اكىمدىگىنىڭ ەرەكشە باقىلاۋىندا ەكەنىن اتادى. ماسەلەن، 2022 جىلى جاربۇلاق وزەنىنىڭ ارناسىن كەڭەيتۋ جانە تەرەڭدەتۋ جۇمىستارى جۇرگىزىلىپ، ۇزىندىعى 6،7 كم ىرگەلەس اۋماق اباتتاندىرىلدى. سونىمەن قاتار، بىلتىر «اسپان» پاركىنىڭ قۇرىلىسى اياقتالىپ، «ماياك» توعايى اباتتاندىرىلدى.