مەگاپوليس اكىمى باقىتجان ساعىنتايەۆ الماتى تا ەفيرىندە ينجەنەرلىك ينفراقۇرىلىمدى دامىتۋدىڭ ونلاين-پرەزەنتاسياسى كەزىندە جەكە سەكتوردى گازداندىرۋ جانە گاز جەلىلەرىن رەكونسترۋكسيالاۋ تۋرالى ايتتى، دەپ حابارلايدى almaty-akshamy.kz
وتكەن جىلى الماتىدا 6 مىڭعا جۋىق ءۇي گاز جەلىسىنە قوسىلدى. حالىقتىڭ الەۋمەتتىك وسال توبىنا جاتاتىن 92 جەكە تۇرعىن ءۇي پايىزسىز نەسيەلەندىرۋ جوباسى اياسىندا گازعا قوسىلدى.
بيىل 1943 ءۇيدى گاز جەلىسىنە قوسۋ جوسپارلانىپ وتىر. ونىڭ ىشىندە 1684 جەكە تۇرعىن ءۇي گاز جەلىلەرىنە قوسىلعان. جەلىلەرگە قوسىلا المايتىن 259 ءۇي بيىل «قازترانسگاز ايماق» اق-نىڭ 2022 جىلى ولاردى گاز جەلىلەرىنە قوسۋدىڭ ينۆەستيسيالىق باعدارلاماسىنا ەنگىزىلگەن.
اعىمداعى جىلى بۋ جانە گاز قوندىرعى قۇرىلىسى ارقىلى جەو-2ء-نى گازعا كوشىرۋدىڭ تەحنيكالىق-ەكونوميكالىق نەگىزدەمەسىن ازىرلەۋ جوسپارلانۋدا. جوبانىڭ مەملەكەتتىك ساراپتاماسىن بەرۋ مەرزىمى – 2021 جىلدىڭ جەلتوقسان ايى. جوبانى ىسكە اسىرۋ اتموسفەراداعى زالالدى زاتتاردى 38 مىڭ توننادان 4،7 مىڭ تونناعا دەيىن تومەندەتۋگە مۇمكىندىك بەرەدى.
سونداي-اق اعىمداعى جىلى گاز ينفراقۇرىلىمىن دامىتۋعا جانە گاز قۇبىرلارىنىڭ وتكىزۋ قابىلەتىن ارتتىرۋعا باعىتتالعان ءىرى جوبالاردى ىسكە اسىرۋ جوسپارلانۋدا، ولار قازىرگى كەزدە ساعاتىنا 880 مىڭ تەكشە مەتردى قۇرايدى. بۇل الماتىدا گازدى تۇتىنۋ مۇمكىندىگى بويىنشا جەتكىلىكسىز.
گاز جەلىلەرىنىڭ وتكىزۋ قابىلەتىن ارتتىرۋ جانە تۇرعىنداردى گازبەن ۇزدىكسىز قامتاماسىز ەتۋ ءۇشىن بارلىق سەگىز اۋداندا 40 كم جەلى رەكونسترۋكسيالانادى.