ىشكى ىستەر مينيسترلىگى ۇيالى بايلانىس وپەراتورلارىمەن بىرلەسە وتىرىپ، ەل اۋماعىندا ينتەرنەت-الاياقتىق قىزمەتىنىڭ جولىن كەسۋ بويىنشا جۇمىستاردى جالعاستىرۋدا، دەپ حابارلايدى aqshamnews.kz
الاياقتار قازاقستاندىقتارعا قوڭىراۋ شالۋ ءۇشىن SIM-box قۇرىلعىلارىن پايدالانىپ، ءتۇرلى مەسسەندجەرلەر ارقىلى ارەكەت ەتەدى. قىلمىسكەرلەردىڭ بەلگىلى ءبىر ەلدە بولۋى مىندەتتى ەمەس، ولارعا جەرگىلىكتى ۇيالى بايلانىس وپەراتورلارىنىڭ ينتەرنەت-ترافيگىن قولداناتىن SIM-box قۇرىلعىلارى جەتكىلىكتى. بۇل قۇرىلعىلار جالعان نومىرلەرمەن بايلانىس ورناتۋعا مۇمكىندىك بەرەدى.
جاڭا جىل قارساڭىندا الماتى قالالىق پوليسيا دەپارتامەنتى ءىىم كيبەرقىلمىسقا قارسى ءىس-قيمىل دەپارتامەنتىنىڭ ۇيلەستىرۋىمەن جالدامالى پاتەردە SIM-box قۇرىلعىسىن پايدالانىپ، ونى ۇزدىكسىز جۇمىس ىستەتكەن 25 جاستاعى ەكى ەر ادامدى ۇستادى.
ءتىنتۋ بارىسىندا تاركىلەنگەن زاتتار:
- ءارقايسىسى 32 سلوتتان تۇراتىن ءتورت SIM-box قۇرىلعىسى؛
- 190 SIM-كارتا (قازاقستاندىق ۇيالى بايلانىس وپەراتورلارىنىڭ)؛
- تەلەفوندار مەن نوۋتبۋكتار.
قازىرگى ۋاقىتتا تەرگەۋ امالدارى جۇرگىزىلىپ جاتىر. ۇستالعاندارعا قاتىستى "قاماۋدا ۇستاۋ" بۇلتارتپاۋ شاراسى قولدانىلدى. قۇقىق قورعاۋ ورگاندارى ازاماتتاردى مۇقيات بولۋعا شاقىرادى جانە كەز كەلگەن كۇدىكتى جاعدايلار تۋرالى حابارلاۋدى وتىنەدى.