الماتى قالاسىنداعى پەريناتولوگيا جانە بالالار كارديوحيرۋرگياسى ورتالىعىنىڭ دارىگەرلەرىمەن بىرلەسىپ، ەگىزدەرگە جۇكتى، ۇرىقتىڭ پاتولوگياسى دياگنوزى قويىلعان 5 ايەلگە تامىرلى اناستوموزداردى لازەرلىك كواگۋلياسيالاۋ بويىنشا بەس بىرەگەي وپەراسيا ءساتتى جاسالدى، دەپ حابارلايدى aqshamnews.kz.
ق ر دەنساۋلىق ساقتاۋ مينيسترلىگىنىڭ مالىمەتىنشە، حيرۋرگتار جۇكتىلىگى 20، 21، 27 اپتا بولعان انالارعا قۇرساقىشىلىك بىرەگەي وپەراسيالار جاساعان. وپەراسيالارعا رەسەي دەنساۋلىق ساقتاۋ مينيسترلىگىنىڭ ۆ. ي. كۋلاكوۆ اتىنداعى اكۋشەرلىك، گينەكولوگيا جانە پەريناتولوگيا ۇلتتىق مەديسينالىق زەرتتەۋ ورتالىعىنىڭ ۋلترادىبىستىق جانە فۋنكسيونالدىق دياگنوستيكا ءبولىمىنىڭ مەڭگەرۋشىسى، مەديسينا عىلىمدارىنىڭ دوكتورى، انا مەن ۇرىق مەديسيناسى قوعامىنىڭ مۇشەسى (SMFM، اقش) كيريلل ۆيتاليەۆيچ كوستيۋكوۆ قاتىستى.
پەريناتولوگيا جانە بالالار كارديوحيرۋرگياسى ورتالىعى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ەلدەگى ۇرىق حيرۋرگياسىن ەنگىزۋ جانە دامىتۋ جونىندەگى العاشقى پيلوتتىق جوباسى بولىپ تابىلاتىنىن اتاپ ءوتۋ ماڭىزدى.
فەتالدىق مەديسينا (ۇرىق حيرۋرگياسى) – بۇل قۇرساقتاعى ۇرىق ەمدەلەتىن جوعارى مامانداندىرىلعان مەديسينا سالاسى. ۇرىق حيرۋرگياسى ۇرىقتىڭ ەرتە پاتولوگيالىق جاعدايلارىن از ءينۆازيۆتى ەمشارالارمۇەن تۇزەتۋگە جانە ەمدەۋگە مۇمكىندىك بەرەتىن يننوۆاسيالىق تەحنولوگيالارعا نەگىزدەلگەن، بۇل اناعا ساۋ بالا تۋىپ، باقىتتى انا بولۋعا مۇمكىندىك بەرەدى.
فەتالدىق حيرۋرگيا بويىنشا مپاستەر-كلاسس 2024 جىلعى جەلتوقساندا قازاقستان رەسپۋبليكاسى دەنساۋلىق ساقتاۋ مينيسترلىگىنىڭ، الماتى قالاسى اكىمدىگىنىڭ جانە «ايالا» قايىرىمدىلىق قورىنىڭ قولداۋىمەن پەريناتولوگيا جانە بالالار كارديوحيرۋرگياسى ورتالىعىنىڭ بازاسىندا ءوتتى.