الماتىدا ەگدە جاستاعى ەر ادام قالتى ۇرىسى بوپ شىقتى

الماتى پوليسياسى قالتا ۇرىسىن قولعا ءتۇسىردى.

بەلگىلى بولعانداي، ەگدە جاستاعى ەر ادام قالالىق قوعامدىق كولىكتە جولاۋشىلاردىڭ نازارىن اۋدارماعان. بۇل وعان ازاماتتاردىڭ قالتاسىنان ءامياندار مەن تەلەفونداردى ەپتىلىكپەن شىعارىپ الۋعا ىڭعايلى بولدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«الماتى وبلىسىنىڭ تۋماسى قالانىڭ المالى اۋدانىندا «جۇمىس ىستەگەن». ۇرلىق تولە بي داڭعىلىمەن جۇرەتىن قوعامدىق كولىكتەردىڭ باعىتتارىندا جاسالعان. ول سوڭعى ۇرلىعىن تولە بي داڭعىلى مەن بايتۇرسىنوۆ كوشەسىنىڭ قيىلىسىندا 201ء-شى قوعامدىق كولىكتە جاسادى. ەر ادام جولاۋشىنىڭ قالتاسىنان IPhone تەلەفونىن ۇرلاپ كەتكەن. قاسكوي ۇستالعاننان كەيىن ءموبيلدى قۇرىلعى تاركىلەندى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى قاماۋعا الىندى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.

قازىرگى ۋاقىتتا ۇستالعان ازاماتتىڭ التى قالتا ۇرلىعىنا قاتىستىلىعى دالەلدەندى. سونىمەن قاتار، پوليسيا قىزمەتكەرلەرى قاسكويدىڭ قالا اۋماعىندا جاسالعان وسىعان ۇقساس باسقا دا قىلمىستارعا قاتىسى بار-جوعىن انىقتاپ جاتىر.