قالالىق كارديولوگيالىق ورتالىقتا 29 قىركۇيەكتە اتالىپ وتەتىن دۇنيەجۇزىلىك جۇرەك كۇنىنە وراي اشىق ەسىك كۇنى ءوتتى.
بۇل كۇنى ورتالىققا شامامەن 250 ادام جۇگىندى. كەلۋشىلەرگە جۇرەكتىڭ ۋلترادىبىستىق زەرتتەۋى، ەكگ جانە كارديولوگتىڭ كونسۋلتاسياسى جۇرگىزىلدى.
قازاقستاندا جىل سايىن جۇرەك-قانتامىر اۋرۋلارى ءولىم-جىتىمنىڭ جانە ءومىر ساپاسىنىڭ تومەندەۋىنىڭ نەگىزگى سەبەبىنىڭ ءبىرى بولىپ قالا بەرەدى. مىنە، بىرنەشە ستاتيستيكالىق دەرەك:
قازاقستاندا جىل سايىن 40 مىڭنان استام ادام جۇرەك-قانتامىر اۋرۋىنان كوز جۇمادى.
جۇرەك-قانتامىر اۋرۋلارىنىڭ انىقتالۋىنىڭ جاقسارعانى قۋانتادى. ويتكەنى جۇرەك پەن قان تامىرى اۋرۋلارى الەم بويىنشا ءولىم-جىتىمنىڭ ءبىرىنشى سەبەبى. قازاقستاندا دا جاعداي سوعان ۇقساس.
وسىنداي ناۋقان تەك تەگىن تەكسەرۋدەن وتۋگە عانا ەمەس، اركىمگە ءوز دەنساۋلىعىن جۇيەلى باقىلاۋدىڭ ماڭىزىن ەسكە سالۋعا مۇمكىندىك بەرەدى. سەبەبى ۋاقتىلى دياگنوستيكا مەن پروفيلاكتيكا جۇرەكتى ساۋ ساقتاپ، بەلسەندى ءومىردى ۇزارتادى.