قور بيرجاسىندا دوللار قۇنى كوتەرىلدى.
قازاقستاندا دوللاردىڭ تەڭگەگە شاققانداعى قۇنى 2،48 تەڭگەگە كوتەرىلدى، دەپ حابارلايدى Almaty-akshamy.kz Kurs.kz-كە سىلتەمە جاساپ.
ەلورداداعى ۆاليۋتا ايىرباستاۋ ورىندارىندا 1 دوللار 477 – 482 تەڭگەدەن ساتىلىپ جاتىر. ال الماتىدا دوللار باعامى 478 – 482 تەڭگە ارالىعىندا قۇبىلىپ تۇر. 1 تامىزداعى كەشكى ساۋدا قورىتىندىسى بويىنشا، دوللاردىڭ ورتاشا باعامى 2،48 تەڭگەگە قىمباتتاپ، 479،55 تەڭگە بولعان.
ۇلتتىق بانكتىڭ 2 تامىزداعى رەسمي باعامى – 1 دوللارعا 479،51 تەڭگە ەسەبىندە. ال رەسەي ۆاليۋتاسى الماتىداعى اقشا ايىرباستاۋ ورىندارىندا 7،20 – 7،65 تەڭگە ارالىعىندا ساۋدالانىپ جاتىر.