«ىلە» وقۋ پوليگونىندا الماتى، تالدىقورعان جانە قونايەۆ گارنيزوندارى سەرجانتتارىنىڭ وقۋ-ادىستەمەلىك جيىنى اياقتالدى.
بەس كۇندىك وقۋ-ادىستەمەلىك جيىنعا ماماندىق بويىنشا دايىندىق، ادىستەمەلىك جانە باقىلاۋ ساباقتارى كىردى، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
نۇسقاۋشىلار اتىس قارۋى، قارۋ-جاراق (بتر، «ارلان» بكم)، گراناتومەت جانە قول گراناتالارى، مەرگەندىك ءىس، تاكتيكالىق، مەديسينا، بايلانىس جانە تاۋ دايىندىعى سەكىلدى جەتى باعىت بويىنشا وقۋدان ءوتتى.
– نۇسقاۋشىلاردىڭ ءبىلىمى مەن داعدىلارىن جەتىلدىرۋگە، جەكە قۇرامدى وقىتۋدىڭ ءبىرىڭعاي ادىستەمەسىن جانە ماماندىق بويىنشا وقىتۋدىڭ وزىق تاجىريبەسىن يگەرۋگە باستى نازار اۋدارىلدى، – دەپ ناقتىلادى دەسانتتىق-شابۋىلداۋ اسكەرلەرى قولباسشىسى باسقارماسىنىڭ سەرجانتتىق قۇراممەن جۇمىس جونىندەگى ءبولىم نۇسقاۋشىسى 1-سىنىپتى سەرجانت راشيد بيسەنعالييەۆ.
جيىن اياقتالعاننان كەيىن قىرىقتان استام سەرجانت جەكە قۇرامدى ماماندىقتار بويىنشا وقىتۋعا رۇقسات بەرەتىن سەرتيفيكاتتار الدى.