الماتىدا عىلىم قىزمەتكەرلەرى كۇنىنە وراي قازاق سپورت جانە تۋريزم اكادەمياسىندا جاس عالىمدار باس قوسقان «دەنە شىنىقتىرۋ، سپورت، تۋريزم، ءبىلىم جانە عىلىمدى دامىتۋدىڭ باسىم عىلىمي-پەداگوگيكالىق باعىتتارى» اتتى III حالىقارالىق فورۋم ءوتتى.
وعان ۇلتتىق عىلىم اكادەمياسىنىڭ وكىلدەرى جانە جاس، جەتەكشى عالىمدار مەن وندىرىستەگى ماماندار قاتىستى، دەپ حابارلايدى aqshamnews.kz.
ولار سيفرلىق تەحنولوگيالار مەن جاساندى ينتەللەكتىنى ەنگىزۋ ارقىلى، حالىقتى بۇقارالىق سپورتقا تارتۋ، ورتا ءبىلىم بەرۋ مەكەمەلەرىندە دەنە شىنىقتىرۋدى جاڭارتىلعان باعدارلاما نەگىزىندە وقىتۋ مەن جوعارى جەتىستىكتەر سپورتىندا سپورتشىلاردى كەشەندى باقىلاۋ ارقىلى جاتتىعۋ ءۇردىسىن جوسپارلاۋ، تۋريستىك قىزمەتتەردى سيفرلاندىرۋ، ينكليۋزيۆتى ءتۋريزمدى دامىتۋ مەن جاڭا بۋىن كادرلارىن دايارلاۋ، ەكولوگيالىق، ەمدەۋ-ساۋىقتىرۋ مەن مادەني ءتۋريزمنىڭ بولاشاعى، سونداي-اق سپورتتىق ءتۋريزمنىڭ دامۋى سياقتى وزەكتى ماسەلەلەردى تالقىلادى.
ءىس-شارا اياسىندا ق ر ەڭبەك سىڭىرگەن جاتتىقتىرۋشىسى جانە حالىقارالىق دارەجەدەگى سپورت شەبەرى بايتۇرسىنوۆ سەرىك سامۇرات ۇلى ستۋدەنتتەرمەن برەين-رينگ وتكىزدى.
ستارتاپتار سايىسىندا ستۋدەنتتەر جاساندى ينتەللەكت ەلەمەنتتەرى بار ينتەللەكتۋالدى مەيرامحانا، كينو-كافە، قوناقتاردىڭ كوڭىل-كۇيىن ءمازىر مەن اتموسفەرا ارقىلى وزگەرتە الاتىن Mood-Food جوباسىن تانىستىردى. سونداي-اق قوناقجايلىلىق سالاسىن روبوتتاندىرۋ مەن سيفرلىق ترانسفورماسيالاۋ سياقتى جوبالاردى قاراستىرىپ، قازىلار القاسىنان ءادىل باعالارىن الدى.
فورۋم سوڭىندا 2025 جىلعى عىلىمي-زەرتتەۋ جۇمىستارىن جۇرگىزۋ ءۇشىن قازستا رەكتورى گرانتىنىڭ جەڭىمپازدارى ماراپاتتالدى.