الماتىدا 23 شىلدەدە دەمالىس كۇندەرىندەگى جارمەڭكەگە قوسىمشا قانت جەتكىزۋ ۇيىمداستىرىلدى. ب ا ق وكىلدەرى كوتەرمە قويما مەن بوستاندىق اۋدانىنداعى جارمەڭكەگە باردى.
جارمەڭكەگە قوسىمشا قانت جەتكىزۋ بويىنشا پيلوتتىق جوبانى 16 شىلدەدە قالالىق كاسىپكەرلىك جانە ينۆەستيسيا باسقارماسى «الماتى» سپك» اق-مەن بىرلەسە وتىرىپ مەدەۋ اۋدانىندا باستاعان بولاتىن.
ەكى كۇن ىشىندە (16.07-17.07) جارمەڭكەدە كوتەرمە باعاسى كەلىسىنە 500 تەڭگەدەن، بولشەك ساۋدادا كەلىسى 530 تەڭگەدەن 7،5 توننا قانت ساتىلدى. سونداي-اق قالا بويىنشا 185 ساۋدا ورنى قوسىمشا قانتپەن قامتىلدى، الەۋمەتتىك دۇكەندەردە قانتتىڭ كوتەرمە باعاسى 500 تەڭگەدەن ساتىلدى. دۇكەندەر قانتتى 15%-دان اسپايتىن ۇستەمە باعامەن ساتۋعا مىندەتتەلەدى. 23-24 شىلدەدە قانت قالالىق ءتورت جارمەڭكەدە ساتىلدى. جالپى شىلدە ايىندا جارمەڭكەلەر مەن دۇكەندەرگە 100 توننا قانت جەتكىزۋ جوسپارلانىپ وتىر. كوتەرمە جەتكىزۋشىلەرمەن كەلىسىم-شارتقا وتىرۋدىڭ ارقاسىندا وسىنداي شارا ۇيىمداستىرۋعا مۇمكىندىك تۋدى.
اكسيا قالاداعى دەمالىس كۇندەرىندەگى جارمەڭكەلەردە تۇراقتى تۇردە وتكىزىلمەك. ماقسات – نارىقتى قانتپەن قامتاماسىز ەتۋ جانە تۇرعىنداردىڭ الەۋمەتتىك ماڭىزى بار ونىمگە سۇرانىسىن قولجەتىمدى باعادا ۇسىنۋ.