الىپ شاھاردىڭ جۇمىس كۇنى قىز-قىز قايناپ جاتسا، دەمالىسى دا قىزىقتى وتەدى.
اqshamnews.kz سايتى وقىرماندارعا دەمالىستا تەگىن كىرۋگە بولاتىن شارالار ءتىزىمىن ۇسىنادى.
"ورماننىڭ ەكىنشى بەتى” كورمەسى جاس بولسا دا، الەمگە تانىلىپ ۇلگەرگەن سۋرەتشى لۋ لين زاماناۋي جۇڭگو كەسكىندەمەسىنىڭ اۆتورلىق ۇلگىسىن ۇسىنادى. ونىڭ جۇمىستارى جۇڭگو مەنتاليتەتى مەن الەمدىك مادەنيەتتىڭ سينتەزىنە نەگىزدەلگەن. سۋرەتشىنىڭ تۋىندىلارى الەمنىڭ كوپتەگەن بەلگىلى گالەرەيالارىنا قويىلعان. ال بۇل كورمە قازاقستاندا العاش رەت ۇيىمداستىرىلىپ وتىر. ورنى: Almaty Gallery، دوستىق داڭعىلى، 44 كۇنى: 8 جانە 9 اقپان، 11:00 – 19:00
“تاڭبالار” كورمەسى. بۇل — الينا اۆدونينانىڭ ونەردەن دە بيىك تۇراتىن بىرەگەي جوباسى. مۇندا ول ءار ادامعا ۇندەۋ جولداپ، ىشكى جانايقايى ارقىلى كومەك سۇرايدى. سۋرەتشى قازاقستانداعى توعاندار مەن ساياباقتاردا جينالعان پلاستيكتەن جانە باسقا دا قالدىقتاردان كارتينالار جاسايدى. ءاربىر كارتينا تەك سۇلۋلىق ەمەس، سونىمەن قاتار تەرەڭ ماعىنا، تابيعاتىمىزدى قورعاۋدىڭ ماڭىزدىلىعىن ەسكە سالادى. ورنالاسقان جەرى: Ular Gallery، پانفيلوۆ، 92 كۇنى: 8 اقپان، 12:00 – 18:00
كونكي تەبۋ بارشاڭىزدى الماتىداعى ەڭ ۇلكەن مۇز ايدىنىندا كونكي تەبۋگە شاقىرامىز! ءوز كونكيىڭىزبەن كەلەتىن بولساڭىز، سىرعاناۋ تەگىن. سونداي-اق جاقىن جەردە كونكيدى جالعا بەرۋ (باعاسى — 1500 تەڭگە) قىزمەتى دە بار. وتەتىن ورىندارى: ناۋرىزباي اۋدانى اكىمدىگى الدىنداعى الاڭ (مكر. “شۇعىلا”، 347) جانە الماتى ارەنا (مكر. “نۇركەنت، 7) كۇنى: 8 جانە 9 اقپان، 10:00-22:00
"الەمنىڭ ءبىر نەگىزى” كورمەسى كاتەرينا نيكونوروۆانىڭ تۋىندىلارى كورەرمەندى ۋاقىت كەڭىستىگىنە ساياحاتقا جەتەلەپ، تابيعات پەن وركەنيەت اراسىنداعى بايلانىس تۋرالى تەرەڭ ويعا باتىرادى. قازاقستاندىق سۋرەتشى كاتيپا اپاي ەسىمىمەن دە تانىمال. ونىڭ شىعارماشىلىعى ەجەلگى تاڭىرشىلدىككە تامىر تارتىپ، رۋحاني وتكەن مەن بۇگىنگى ءومىردى استاستىرادى. ورنالاسقان جەرى: Esentai گالەرەياسى، ءال-فارابي داڭعىلى، 77/8 (Esentai Mall، 3 قابات) كۇنى: 8 جانە 9 اقپان، 10:00 – 20:00
سايد اتابەكوۆتىڭ “مىڭ سالت اتتىنىڭ دۇعاسى” كورمەسى قازاقستاننىڭ زاماناۋي ونەرىندە جەتەكشى ورىن الاتىن سۋرەتشىلەردىڭ ءبىرى تۋىندىلارى ارقىلى ءداستۇر مەن زاماناۋي قۇندىلىقتاردى، سونداي-اق ءداستۇردىڭ مادەني بىرەگەيلىكتى قالىپتاستىرۋداعى ءرولىن زەرتتەيدى. ونىڭ تۋىندىلارى كورەرمەندەردى وتكەنگە، بۇگىنگە جانە بولاشاققا وي جۇگىرتۋگە شاقىرىپ، جاھاندىق وزگەرىستەر جاعدايىندا ۇلتتىق سانا مەن مادەني كودتاردىڭ ءوزارا بايلانىسىن زەردەلەيدى. ورنالاسقان جەرى: Aspan Gallery، ءال-فارابي داڭعىلى، 140 ا/3 كۇنى: 8 جانە 9 اقپان، 12:00 – 18:00
"مۇزدى اسپان" كورمەسى سۋرەتشى ەلۆيرا گريگوريان ءوز جۇمىسىندا ەكى بەينەلەۋ ءتىلىن – كەراميكا مەن فوتوسۋرەتتى بىرىكتىرەدى. ونەردىڭ بۇل تاسىلدەرى اسپاندى تۇسىنۋگە ارنالعان قۇرالعا اينالادى — ول جاقىن ءارى الىس، دەرەكسىز جانە ناقتى، وزگەرمەلى ءارى ماڭگىلىك بولىپ كەلەدى. وتەتىن ورنى: “ونەر” ارت-كەڭىستىگى، شيەۆچەنكو كوشەسى، 51 كۇنى: 8 جانە 9 اقپان، 10:00 – 19:00