الماتىدا داۋىس بەرەتىن ۋچاسكەڭىزدى قالاي بىلۋگە بولادى؟

Call-ورتالىق ىسكە قوسىلدى

الماتى تۇرعىندارى ءۇشىن قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ ماسەلەسى بويىنشا 5 ماۋسىمعا بەلگىلەنگەن رەسپۋبليكالىق رەفەرەندۋم جايىندا اقپارات بەرەتىن ءبىرىڭعاي Call-ورتالىق ىسكە قوسىلدى Almaty-akshamy.kz Almaty.tv-گە سىلتەمە جاساپ.

Call-ورتالىق حالىقتى اقپاراتتاندىرۋ جانە قالا تۇرعىندارىنا رەفەرەندۋم ماسەلەلەرى بويىنشا كەڭەستەر بەرۋ ءارى داۋىس بەرۋ پروسەسىنە تارتۋ ءۇشىن قۇرىلعان. ءبىرىڭعاي ساll ورتالىققا +7 (727) 3384545 تەلەفونى بويىنشا حابارلاسىپ، ءوزىڭىزدى رەسپۋبليكالىق رەفەرەندۋمعا قاتىسۋعا قۇقىعى بار ازاماتتار تىزىمىنەن تەكسەرۋگە، سونداي-اق ءوز ۋچاسكەڭىزدىڭ ءنومىرى مەن مەكەنجايىن ناقتىلاۋعا بولادى. 

قوڭىراۋ شالۋ بارىسىندا Call-ورتالىقتىڭ وپەراتورلارى ازاماتتاردىڭ مۇمكىندىكتەرىنە، داۋىس بەرۋ راسىمدەرىنە جانە رەفەرەندۋم كۇنىندەگى ۋچاسكەلەردىڭ جۇمىسىنا قاتىستى بۇكىل زاڭنامالىق نورمالاردى تۇسىندىرەدى. 

Call-ورتالىق قوڭىراۋلاردى كۇن سايىن ءۇزىلىسسىز جانە دەمالىس كۇندەرى، سونداي-اق داۋىس بەرىلەتىن كۇننىڭ سوڭىنا دەيىن ساعات 8:00-دەن 20:00-گە دەيىن قابىلدايدى. 

Open-almaty.kz سايتىندا داۋىس بەرۋگە ارنالعان ۋچاسكە تۋرالى اقپارات الۋ جونىندەگى فۋنكسيونال قولجەتىمدى. قاجەتتى اقپاراتتى @ReferendumAlmaty2022Bot Telegram-بوتى ارقىلى دا الۋعا بولادى. 

ءوزىڭىزدى تىزىمنەن تابۋ جانە مالىمەتتەردى الۋ ءۇشىن جسن ءنومىرىن ەنگىزۋ قاجەت.