الماتىدا «ءداستۇرلى اۋەن» فەستيۆالى ءوتتى، دەپ حابارلايدى Almaty-akshamy.kz.
ورتالىق مادەنيەت جانە دەمالىس ساياباعىندا الماتىلىقتار مەن قالا قوناقتارى ءداستۇرلى ءان تىڭداپ، قۇلاق قۇرىشىن قاندىردى. بۇل فەستيۆال ءبىرىنشى جىل وتكىزىلىپ وتىرعان جوق. ءداستۇرلى اندەردىڭ جاندى داۋىستا ورىندالاتىنى بەلگىلى. سول سەبەپتى دە وسى ونەردىڭ تىڭدارماندارى بۇل كۇندى اسىعا كۇتكەن سياقتى.
بۇل فەستيۆالدىڭ ەرەكشەلىگى - ءبىر ساحنادا جاڭا شىققان اۋەندەر مەن تانىمال كومپوزيسيالار دا ورىندالادى. بۇگىنگى مۋزىكا مەرەكەسى دە ودان تىس قالعان جوق. ساحنادا قۇرمانعازى، نۇرعيسا تىلەندييەۆ، كەنەن ازىربايەۆ جانە ءداستۇرلى قازاق مۋزىكاسىنىڭ التىن قورىنداعى باسقا دا كوپتەگەن اۆتورلاردىڭ شىعارمالارى شىرقالدى. ءداستۇرلى مۋزىكا سۇيەر قاۋىمنىڭ الدىندا قۇرمانعازى اتىنداعى قازاق مەملەكەتتىك اكادەميالىق حالىق اسپاپتار ءانسامبلى، سونداي-اق بالالار شىعارماشىلىق انسامبلدەرى مەن جەكە ورىنداۋشىلار دا ونەر كورسەتتى.
مۋزىكالىق فەستيۆالدىڭ باستى ماقساتى - ۇلى دالانىڭ مادەني مۇراسىن، ءداستۇرلى مۋزىكانى ناسيحاتتاۋ. ەڭ باستىسى، بەلگىلى كومپوزيتورلاردىڭ مۋزىكالىق شەديەۆرلەرىن ورىنداي وتىرىپ، جاس مۋزىكانتتار ۇرپاقتار ساباقتاستىعىن كورسەتتى.
فەستيۆال سوڭىندا ونىڭ بارلىق قاتىسۋشىلارىنا العىس حاتتار تابىستالدى.