ساپالى مەديسينالىق قىزمەتتەر كورسەتۋ ءۇشىن قازىرگى ۋاقىتتا «نۇرشاشقان» شاعىناۋدانىندا 100 ادام قابىلدايتىن دارىگەرلىك امبۋلاتوريا سالىنىپ جاتىر.
ونىڭ قۇرىلىسىنا قاتىستى جۇمىستار قىركۇيەك ايىندا اياقتالادى. II توقساندا ايباسوۆ كوشەسىندە 200 ادام قابىلدايتىن دارىگەرلىك امبۋلاتوريانىڭ قۇرىلىسى باستالادى، دەپ حابارلايدى Almaty-akshamy.kz.
سونىمەن قوسا، II توقساندا «رۆ-90» (2022 جىلعى جەلتوقساندا شارتتىق مىندەتتەمەلەردىڭ ورىندالماۋىنا بايلانىستى «ارحكومپلەكس» جشس-مەن شارت بۇزىلدى) جانە «المەرەك» (اۋدانى 0،6 گا جەر ۋچاسكەسىن ساتىپ العاننان كەيىن) شاعىناۋداندارىندا 200 ادام قابىلدايتىن وتباسىلىق-دارىگەرلىك امبۋلاتوريالاردىڭ جوبالاۋ-سمەتالىق قۇجاتتامالارىن ازىرلەۋ ءۇشىن كونكۋرستار جاريالانادى.
«قايرات» شاعىناۋدانىندا 340 ادام قابىلدايتىن ەمحانانىڭ جوبالاۋ-سمەتالىق قۇجاتتاماسىن ازىرلەۋ جۇمىستارىن ماۋسىم ايىندا اياقتاۋ جوسپارلانعان.
اۋدان تۇرعىندارىنا الەۋمەتتىك جانە سپورتتىق باعىتتاعى وبەكتىلەردى «قولجەتىمدى» ەتۋ ءۇشىن قارقىندى جۇمىس جالعاسۋدا.