ورتالىق ازيا مەن اۋعانستان ماسەلەلەرىنە ارنالعان.
توقايەۆ الماتىدا ورتالىق ازيا مەن اۋعانستان ءۇشىن بۇۇ-نىڭ ورنىقتى دامۋ جونىندەگى ايماقتىق ورتالىعىن اشۋ جۇمىستارى جۇرگىزىلىپ جاتقانىن ايتتى، دەپ حابارلايدى Almaty-akshamy.kz
پرەزيدەنت ريمگە رەسمي ساپارى اياسىنداعى بۇۇ دۇنيەجۇزىلىك ازىق-تۇلىك باعدارلاماسىنىڭ اتقارۋشى ديرەكتورى سيندي ماككەينمەن كەزدەسۋىندە اۋعانستانداعى جاعدايعا باسا نازار اۋداردى. مەملەكەت باسشىسىنىڭ پىكىرىنشە، حالىقارالىق قوعامداستىقتىڭ وسى ەلدەگى گۋمانيتارلىق داعدارىستى توقتاتۋ ءىسىن جالعاستىرۋى وتە ماڭىزدى.
قاسىم-جومارت توقايەۆ ءقازىر الماتىدا ورتالىق ازيا مەن اۋعانستان ءۇشىن بۇۇ-نىڭ ورنىقتى دامۋ جونىندەگى ايماقتىق ورتالىعىن اشۋ جۇمىستارى جۇرگىزىلىپ جاتقانىن جەتكىزدى.
بۇل ورتالىقتىڭ قىزمەتى ايماقتاعى بەيبىتشىلىكتى، قاۋىپسىزدىكتى جانە ورنىقتى دامۋدى نىعايتۋدا بۇۇ-نىڭ ۆەدومستۆوارالىق ۇيلەستىرۋ جۇمىسىن رەتتەۋگە مۇمكىندىك بەرەدى.