الماتى قالاسىنىڭ اكىمى ەربولات دوسايەۆتىڭ بوستاندىق اۋدانى تۇرعىندارىمەن كەزدەسۋىندە بالاباقشا جەتىسپەۋشىلىگى جايى ايتىلدى، دەپ حابارلايدى Almaty-akshamy.kz.
- مەن «وربيتا» شاعىن اۋدانىندا تۇرامىن. بىزدە بالاباقشالار جەتىسپەيدى. اۋداندا بەس جىل بۇرىن جابىلعان بالالار ءۇيىنىڭ عيماراتى تۇر. مۇمكىندىك بولسا، سول جەردەن بالاباقشا اشىڭىزشى، -دەدى تۇرعىن.
- بالالار ءۇيىنىڭ عيماراتى بويىنشا جۇمىس ءجۇرىپ جاتىر. ءبىز وندا 440 ورىندىق بالاباقشا سالامىز. جوبا دايىن. جسق اياقتالعاننان كەيىن بالاباقشا سالامىز. مەنىڭشە، بۇل وسى اۋدانداعى بالاباقشا ماسەلەسىن شەشەدى، -دەپ جاۋاپ بەردى ەربولات دوسايەۆ.