مەگاپوليس اۋماعىندا بارلىعى 603 سايلاۋ ۋچاسكەسى جۇمىس ىستەپ جاتىر.
ءداستۇر بويىنشا داۋىس بەرۋ پۋنكتتەرىنىڭ جۇمىسى انۇرانمەن باستالدى. ال العاشقى داۋىس بەرۋشىلەردى ارنايى دايىندالعان سىيلىقتارمەن قارسى الدى. ءقازىر سايلاۋ ۋچاسكەلەرىندە كوڭىلدى اۋەن ويناپ، جارمەڭكەلەر جۇمىس ىستەپ جاتىر.
«مەن العاش رەت اتا-اناممەن سايلاۋعا كەلگەنىم ەسىمدە. سول بالا كەزىمنەن سايلاۋدىڭ ماڭىزدىلىعىن ءتۇسىنىپ وسسەم، ءقازىر ءوزىم دە ۇلىمدى ەرتىپ كەلدىم"، – دەيدى №21 ۋچاسكەدە داۋىس بەرگەن الماتىلىق كونستانتين.
ءقازىر «بۇكىل وتباسىمەن داۋىس بەرەمىز» اكسياسى قالانىڭ بارلىق اۋداندارىندا وتۋدە. قاتىسۋشىلاردىڭ پىكىرىنشە، بۇل - ءپاتريوتيزمنىڭ ناقتى كورىنىسى. مۇندا اتا-انالار ءوز بالالارىنا ازاماتتىق بەلسەندىلىك تانىتۋدىڭ جانە سايلاۋ پروسەسىنە قاتىسۋدىڭ قانشالىقتى ماڭىزدى ەكەنىن كورسەتە الادى.
بۇل كۇنى ەڭ جاس سايلاۋشىلارعا ءتاتتى سىيلىقتار بەرىلدى. سوندىقتان بۇل ءسات العاشقى سايلاۋ رەتىندە ەستە قالارى ءسوزسىز.