الماتىدا بوتەن كولىكتەردىڭ مەملەكەتتىك تىركەۋ بەلگىلەرىن ۇرلاپ، ونى يەلەرىنە اقشاعا قايتارىپ جۇرگەن كۇدىكتى ۇستالدى

الماتىدا بوتەننىڭ مەملەكەتتىك تىركەۋ نومىرلەرىن ۇرلاعان كۇدىكتى ۇستالدى.

26 جاستاعى و.ەسىمدى ازامات سونداي “كاسىپكەر” بولىپ شىقتى. ول قاراعاندى ​​وبلىسىنان كەلگەن، ەش جەردە جۇمىس ىستەمەيدى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«قاسكويدىڭ الماتىعا ءبىر اپتا بۇرىن كەلگەنى انىقتالدى. ول قىلمىستىق جولمەن كۇن كورۋدى ۇيعاردى. تۇرعىن اۋداندا، تۇرعىن ۇيلەردىڭ اۋلالارىندا بوتەن كولىكتەردىڭ مەملەكەتتىك تىركەۋ بەلگىلەرىن شەشىپ الىپ، ءنومىر يەسىنە، كولىكتىڭ الدىڭعى اينەگىنە  10 مىڭ تەڭگەگە “ساتىپ الۋ” تۋرالى ۇسىنىسپەن حات قالدىرعان. ءبىزدىڭ اۋداندا عانا كۇدىكتىنىڭ وسىنداي جەتى ۇرلىققا قاتىسى بار ەكەنى انىقتالدى. ول وسى ەپيزودتارداعى كىناسىن مويىندايدى. ءبىراق، سونىمەن قاتار، شاھاردىڭ باسقا جەرلەرىندە ورىن العان باسقا دا قىلمىستارعا قاتىستىلىعى بولۋى مۇمكىن ەكەندىگى جوققا شىعارىلمايدى»، – دەدى اۋەزوۆ اۋداندىق پب  جانىنداعى پوليسيا ءبولىمىنىڭ باستىعى ەلنۇر قۇدرەتبايەۆ.

سپيكەردىڭ ايتۋىنشا، كۇدىكتى مۇنداي قىلمىسى ءۇشىن ەكى رەت قىلمىستىق جاۋاپكەرشىلىككە تارتىلعان. ءبىراق ەكەۋى دە وعان دۇرىس ساباق بولماعان سياقتى.