الماتىنىڭ بوستاندىق جانە تۇركسىب اۋداندارىنىڭ اۋماعى قىلمىسكەرلەردەن تازارتىلدى. بۇل تۋرالى الماتى قالاسى كومەنداتۋراسىنىڭ اقپاراتتىق ورتالىعى ءمالىم ەتتى، دەپ حابارلايدى almaty-akshamy.kz
كومەنداتۋرا مالىمەتىنشە، ارنايى وپەراسيا بارىسىندا بوستاندىق جانە تۇركسىب اۋداندارى لاڭكەستىك، توناۋ جانە باسقا دا قىلمىستاردىڭ 1 925 قاتىسۋشىسى ۇستالدى. 38 بىرلىك اتىس قارۋى مەن 1 486 ءوق-دارى تاركىلەندى.
«102» پۋلتىنە 961 حابارلاما كەلىپ ءتۇستى، كومەنداتۋرانىڭ Call- ورتالىعىنا ازاماتتاردان جەدەل ارەكەت ەتۋدى تالاپ ەتەتىن 215 دابىل قابىلداندى. بارلىق حابارلامالار دەر كەزىندە وڭدەلدى»،- دەيدى الماتى قالاسى كومەنداتۋراسىنىڭ رەسمي وكىلى سالتانات ازىربەك.
سونىمەن قاتار، ول تۇرعىنداردى كومەندانتتىق ساعات تالاپتارىن بۇزباۋعا شاقىردى.